Aprobado inicialmente polo Acordo do Pleno do 14 de febreiro de 2022 xunto co estudo ambiental estratéxico, de conformidade co artigo 60.6 da Lei 2/2016, do 10 de febreiro, do solo de Galicia, sométese a información pública polo prazo de dous meses contados desde o día seguinte ao da publicación do presente anuncio no Diario Oficial de Galicia e nun dos xornais de máis difusión da provincia.
Durante o devandito prazo poderá ser examinado por calquera interesado para que se formulen as alegacións que se xulguen pertinentes.
O expediente estará á disposición na sede electrónica deste concello.
O presente anuncio servirá de notificación aos interesados, no caso de que non se poida efectuar a notificación persoal do outorgamento do trámite de audiencia.
Así mesmo, suspéndese o outorgamento das licenzas nas áreas afectadas pola modificación urbanística aprobada cuxas novas determinacións supoñan modificación do réxime urbanístico vixente.
O Valadouro, 22 de febreiro de 2022
Edmundo Maseda Maseda
Alcalde