A Xunta de Goberno Local do Concello de Santiago de Compostela, na sesión que tivo lugar o día 7 de febreiro de 2022, adoptou o seguinte acordo:

a) Aprobar inicialmente o estudo de detalle dos quinteiros 1 e 2 do Plan parcial do SUP-1 (Romero Donallo), segundo o proxecto presentado o 2.12.2021 por Santiago Sur Galicia, S.L., asinado polo arquitecto Fernando Arteaga Ros, que afecta ás seguintes parcelas catastrais:

6867717NH3466F0000XO (quinteiro 1).

6867718NH3466F0000IO (quinteiro 2).

b) En aplicación do procedemento regulado no artigo 194.2 do Regulamento de desenvolvemento da Lei do solo de Galicia, o proxecto someterase a información pública durante o prazo dun mes, con citación persoal dos propietarios catastrais dos terreos afectados, e anuncios que para o efecto se publicarán no Diario Oficial de Galicia e nun xornal dos de maior difusión na provincia.

Durante o trámite de información pública solicitaranse os informes sectoriais preceptivos (Estradas do Estado, Patrimonio Cultural e Augas de Galicia).

A aprobación definitiva do estudo de detalle queda condicionada á previa aprobación definitiva da modificación puntual do Plan parcial do SUP-1, nos termos en que foi inicialmente aprobada o 7.12. 2021.

O acordo de aprobación inicial do estudo de detalle determina automaticamente, por aplicación do disposto nos artigos 47.2 da Lei 2/2016, do solo de Galicia, e 86.2 do seu regulamento, a suspensión do procedemento de outorgamento de licenzas de edificación e de parcelación no ámbito dos quinteiros 1 e 2.

A suspensión terá a duración máxima de dous anos, contado desde a aprobación inicial, e extinguirase en todo caso co acordo de aprobación definitiva do estudo de detalle.

A suspensión non afectará os proxectos que cumpran simultaneamente as determinación do plan parcial vixente e as do estudo de detalle inicialmente aprobado.

O que se publica co fin de que, durante o prazo dun mes, contado a partir do día seguinte ao da publicación deste anuncio, os interesados poidan consultar o expediente e formular as alegacións que xulguen oportunas. A documentación sometida a exposición pública estará ao dispor dos interesados no Servizo de Planeamento e Xestión Urbanística do Concello de Santiago (Pazo de Raxoi, 2º andar), de luns a venres, das 9.00 ás 14.00 horas, e na páxina web do Concello https://transparencia.santiagodecompostela.gal/E.-D-quinteiros-1_2-do-Plan-parcial-do-SUP-1.-Romero-Donallo/gl

As alegacións poderán presentarse na sede electrónica do Concello de Santiago de Compostela na epígrafe Catálogo de trámites a través do trámite «Presentación de documentación e alegacións» e da opción «Achega libre». Deberase introducir o dato 2020/00005648X no campo «Código do expediente» e incorporar o documento das alegacións.

Tamén se poderán presentar as alegacións por calquera dos outros medios relacionados no artigo 16 da Lei 39/2015, do 1 de outubro, do procedemento administrativo común das administracións públicas.

Santiago de Compostela, 18 de febreiro de 2022

O alcalde
P.D. (Decreto 4742/2019, do 17 de xuño)
Mercedes Rosón Ferreiro
Concelleira delegada de Urbanismo, Vivenda e Cidade Histórica