De conformidade co artigo 8 da Lei 19/2013, do 9 de decembro, de transparencia, acceso á información pública e bo goberno, dáse publicidade á seguinte encomenda coas seguintes características:
Resolución do 21 de febreiro de 2022, da Consellería do Mar, pola que se lle encarga ao medio propio Fundación Centro Tecnolóxico do Mar (Cetmar), a realización de accións de apoio á Rede Iberoamericana de Investigación Pesqueira na implementación do decenio das ciencias oceánicas para o desenvolvemento sustentable e a Axenda 2030.
– Actividade: a realización das accións de apoio á Rede Iberoamericana de Investigación Pesqueira na implementación do decenio das ciencias oceánicas para o desenvolvemento sustentable e a Axenda 2030, así como o apoio na organización do VI Sibecorp previsto no ano 2024.
– Natureza e alcance da xestión encomendada: encomenda de xestión a medios propios ao ter a Fundación Centro Tecnolóxico do Mar (Cetmar) a consideración de medio propio instrumental e de servizo técnico da Administración xeral da Comunidade Autónoma de Galicia, en cumprimento do establecido nos artigos 10, 47 e seguintes da Lei 16/2010, do 17 de decembro, de organización e funcionamento da Administración xeral e do sector público autonómico de Galicia.
– Prazo de vixencia: desde o 21 de febreiro de 2022 ata o 31 de decembro de 2024.
– Financiamento: tramitouse con cargo aos orzamentos da Comunidade Autónoma de Galicia na aplicación orzamentaria 15.01.721A.640.2, código do proxecto 2016 00324.
Santiago de Compostela, 4 de marzo de 2022
Silvia Cortiñas Fernández
Secretaria xeral técnica da Consellería do Mar