Na Sala do Contencioso-Administrativo, Sección Primeira, do Tribunal Superior de Xustiza de Galicia, tramítase o recurso 41/2022 (procedemento ordinario), interposto por Aida Lima Gómez fronte á Resolución do 23 de novembro de 2021, da Dirección Xeral de Recursos Humanos, pola que se declaran, con carácter definitivo, as persoas aspirantes admitidas e excluídas, así como as exentas e non exentas do exercicio de lingua galega, no concurso oposición para o ingreso nas categorías de logopeda e terapeuta ocupacional, convocado pola Resolución do 13 de decembro de 2019 (DOG núm. 237, do 13 de decembro) (categoría: logopeda).
A recorrente non está de acordo no que respecta á súa exclusión, por considerala contraria a dereito.
O que se notifica para xeral coñecemento de todas as persoas interesadas no procedemento, que son emprazadas para que poidan comparecer no xulgado como demandadas no prazo de nove días, de conformidade co previsto no artigo 49 da Lei 29/1998, do 13 de xullo, reguladora da xurisdición contencioso-administrativa.
Santiago de Compostela, 22 de febreiro de 2022
Ana Mª Comesaña Álvarez
Directora xeral de Recursos Humanos