A Xunta de Goberno local do Concello das Pontes de García Rodríguez, na sesión extraordinaria do 23 de febreiro de 2022, aprobou inicialmente a modificación puntual das normas urbanísticas do Concello (plans parciais de Airíos e Pena Porreira) respecto das parcelas de equipamento existentes nos polígonos industriais dos Airíos e Pena Porreira, que asinou a arquitecta Sonia Romero Teijo, colexiada COAG 1906, e que se entregou no Concello o día 28 de xaneiro de 2022 (RE núm. 202299900000259).
O que se fai público, en cumprimento do disposto no artigo 75.1.a) da Lei 2/2016, do 10 de febreiro, do solo de Galicia, co fin de que, durante o prazo de dous meses contados a partir do día seguinte ao da publicación deste anuncio no Diario Oficial de Galicia, os interesados poidan consultar o expediente no Departamento de Urbanismo do Concello (avenida de Castelao, nº 36), de luns a venres, das 8.00 ás 14.30 horas, e formular as alegacións que xulguen oportunas.
A documentación sometida a información pública tamén se pode consultar na sede electrónica do Concello, no taboleiro de anuncios electrónico (https://sede.aspontes.org/opencms/es/informacion/).
As Pontes de García Rodríguez, 28 de febreiro de 2022
O alcalde
P.D. (Decreto 993/2019, do 24 de xuño)
Antonio Alonso Román
Concelleiro delegado de Urbanismo e Coordinación do Goberno