O artigo 15 da Lei 1/2016, do 18 de xaneiro, de transparencia e bo goberno, impón a cada consellería ou entidade da Xunta de Galicia a obriga de publicar no Diario Oficial de Galicia unha relación dos convenios subscritos no cuadrimestre anterior.
En consecuencia, e para dar cumprimento a esa obriga,
DISPOÑO:
Artigo único
Dar publicidade da relación dos convenios subscritos polo Fondo Galego de Garantía Agraria (Fogga) no terceiro cuadrimestre do ano 2021 e que se relacionan no anexo desta resolución.
Santiago de Compostela, 17 de xaneiro de 2022
Silvestre José Balseiros Guinarte
Director do Fondo Galego de Garantía Agraria
ANEXO
Convenios subscritos polo Fondo Galego de Garantía Agraria (Fogga)
no terceiro cuadrimestre do ano 2021
|
Título |
Obxecto |
Data de sinatura |
Achega económica (€) |
|
Convenio de colaboración entre o Fondo Galego de Garantía Agraria (Fogga), a Axencia Galega de Calidade Alimentaria e o Consello Regulador da Denominación de Orixe Rías Baixas para a mellora da xestión da información relativa á declaración de colleita de uva dos produtores acollidos á denominación de orixe Rías Baixas |
O obxecto deste convenio é regular o marco de colaboración entre as partes asinantes para a realización conxunta das actividades de control da produción no sector da viticultura para garantir a calidade da produción da denominación de orixe. En concreto, a finalidade do convenio é mellorar a xestión e o control da información relativa á declaración de colleita de uva das persoas produtoras acollidas ao CRDO Rías Baixas. |
4.10.2021 |
Sen contido económico |
|
Convenio de colaboración entre o Fondo Galego de Garantía Agraria (Fogga), a Axencia para a Modernización Tecnolóxica de Galicia (Amtega) e a Comunidade de Madrid (Consellería de Medio Ambiente, Vivenda e Agricultura, en calidade de organismo pagador dos fondos europeos agrícolas, e a Axencia para a Administración Dixital de Madrid), para a cesión á Comunidade de Madrid do sistema informático Sistema de información contable do organismo pagador (SICOP) |
A Amtega e o Fogga poñen ao dispor do OP de Madrid os dereitos de uso da sistema informático Sistema contable do organismo pagador (SICOP) para a súa implantación e utilización polos órganos do devandito OP no ámbito da Comunidade Autónoma de Madrid. |
15.11.2021 |
Sen contido económico |
