O Pleno do Concello, na sesión ordinaria do día vinte e nove de decembro de dous mil vinte e un, aprobou, polo quórum de maioría absoluta do número legal de membros da corporación, a seguinte proposta elaborada pola Comisión de Heráldica da Xunta de Galicia para a adopción do escudo heráldico e bandeira do Concello de Mugardos:

Escudo heráldico:

De azur (azul), unha estrela de ouro (amarelo) acompañada de dúas coroas abertas da mesma cor, dispostas unha en xefe e outra na punta. Ao timbre, coroa real pechada.

Bandeira municipal:

O pano de azul e, ao centro, a estrela de amarelo acompañada no alto e baixo de dúas coroas abertas, tamén de amarelo.

En cumprimento do disposto no artigo 16.a), número 3, do Decreto 19/2010, do 11 de febreiro, polo que se aproba o Regulamento de símbolos das entidades locais de Galicia, o referido acordo sométese á información pública, mediante anuncios publicados no Diario Oficial de Galicia (DOG), no taboleiro de edictos e na sede electrónica municipal, polo prazo dun mes, contado desde o día seguinte ao da publicación no DOG, para que os interesados poidan efectuar as alegacións que consideren oportunas.

Mugardos, 10 de xaneiro de 2022

Juan Domingo de Deus Fonticoba
Alcalde