O Pleno municipal, en sesión ordinaria que tivo lugar o 27 de decembro de 2021, acordou aprobar o anexo de expropiacións para a obtención dos terreos que se consideran necesarios para a execución da obra hidráulica prevista no anteproxecto aprobado por Augas de Galicia o 15 de marzo de 2021 e no proxecto construtivo Realización dun by-pass no río Anllóns na zona de Muíño do Quinto, Carballo (A Coruña), supervisado por parte do Departamento da Oficina Técnica do ente público empresarial Augas de Galicia o 11 de novembro de 2021; segundo o documento redactado pola entidade Estudio Técnico Gallego, S.A. e asinado polo enxeñeiro técnico agrícola José Ignacio Alonso Díaz (colexiado nº 2095).

No mesmo acordo, no seu punto segundo, declarouse a utilidade pública e a necesidade de urxente ocupación dos bens e dereitos afectados pola obra hidráulica prevista no mencionado anteproxecto, ao abeiro do artigo 52 da Lei do 16 de decembro de 1954 sobre expropiación forzosa (procedemento de urxencia).

Polo que se somete a información pública o proxecto da obra e o anexo de expropiacións por un prazo de 20 días, para que as persoas que se consideren interesadas formulen as observacións e reclamacións que consideren convenientes, co fin de rectificar posibles erros da relación publicada ou opoñerse, por razóns de fondo ou forma, á necesidade da ocupación. Neste caso, indicará os motivos polos que se deba considerar preferente a ocupación doutros bens ou a adquisición doutros dereitos distintos e non comprendidos na relación, como máis conveniente para o fin que se persegue.

Así mesmo, requíreselles aos titulares dos bens e dereitos afectados para que acheguen os títulos que os acrediten como os seus propietarios. Advírteselles que este anuncio serve de notificación no caso de que estes sexan descoñecidos ou se descoñeza o seu enderezo, segundo o previsto no artigo 44 da Lei 39/2015, do procedemento administrativo común das administración públicas.

A relación de bens e dereitos afectados que se inclúe no anexo de expropiacións é a seguinte:

Nº predio	Ref. catastral	Titulares catastrais	Destino	Sup. total (m²)	Sup. afect. (m²)	Outros bens e dereitos afectados
1	15019A001000540000IZ	Mª del Carmen Matnez. Muñiz Hros José López Sánchez	Horta	1.402	328	0.5 m³ formigón en columna 41 uds thuia Ud trasl cancela madeira e malla 3 uds poste formigón 3m malla arame
2	15019A001001240001OZ	En investigación	Prado-labradío	230	7
3	15019A001000520000IE	Hros Manuel Ponte Vila	Prado-labradío	482	42
4	15019A001000530000IS	Sofía Mira Lorenzo	Prado-labradío	596	257
5	15019A001000490000IE	Pedro García Vila	Prado-labradío	4.997	1.164
6	15019A001000380000IM	Manuel Porteiro	Prado-labradío	1.302	668
7	15019A001000390000IO	Mª Carmen Eirís Ponte	Xardín	4.434	424	8 uds módulo prefabr. formigón 7 uds columna formigón
8	15019A001000370000IF	Pedro Traba Fariña	Prado-labradío	1.554	266
Total					3.156

O documento técnico e os trámites contidos no expediente poderán consultarse na Oficina Técnica Municipal, das 10.00 ás 13.00 horas, e na páxina web do concello na seguinte ligazón, punto 7 Outros:

http://carballo.org/urbanismo/planeamentodesenvolvemento.php?idioma=gl#ancla

Carballo, 13 de xaneiro de 2022

Evencio Ferrero Rodríguez
Alcalde