No Xulgado do Contencioso-Administrativo número 1 de Santiago de Compostela tramítase o recurso 362/2021 (procedemento abreviado) interposto por Teresa Cordal Martínez fronte á desestimación presunta do recurso de reposición presentado o 10 de xuño de 2021 contra a Resolución do 21 de maio de 2021, ditada pola Dirección Xeral de Recursos Humanos do Servizo Galego de Saúde, pola que se publicou a relación provisional de admitidos e excluídos e se aprobou a oferta de destinos do ciclo de adxudicación correspondente ao ano 2021 do concurso de traslados aberto e permanente para a provisión de prazas básicas de persoal estatutario sanitario e de xestión de servizos (DOG núm. 98, do 27 de maio).

A recorrente solicita que se inclúa na relación de destinos unha praza de facultativo especialista da Área de Nefroloxía no Complexo Hospitalario Universitario de Santiago de Compostela.

O que se notifica para xeral coñecemento de todas as persoas interesadas no procedemento, que son emprazadas para que poidan comparecer no xulgado como demandadas no prazo de nove días, de conformidade co previsto no artigo 49 da Lei 29/1998, do 13 de xullo, reguladora da xurisdición contencioso-administrativa.

Santiago de Compostela, 30 de decembro de 2021

Ana Mª Comesaña Álvarez
Directora xeral de Recursos Humanos