BDNS (Identif.): 602400.

De conformidade co previsto nos artigos 17.3.b) e 20.8.a) da Lei 38/2003, do 17 de novembro, xeral de subvencións, publícase o extracto da convocatoria cuxo texto completo pode consultarse na Base de datos nacional de subvencións (https://www.infosubvenciones.es/bdnstrans/GE/es/convocatoria/602400).

Primeiro. Persoas beneficiarias

Alumnado que inicia estudos de máster oficial que non habilitan para profesión regulada no curso 2021/22.

Segundo. Obxecto

O obxecto destas axudas é financiar os prezos públicos derivados da matrícula do estudantado que inicia estudos de máster oficial en centros propios e que se ve afectado polos cambios de requisitos académicos introducidos polo Real decreto 1000/2012, do 29 de xuño (BOE do 5 de xullo).

Terceiro. Bases reguladoras

Resolución reitoral pola que se convocan axudas para estudantado que inicia estudos de máster oficial que non habilitan para profesión regulada no curso 2021/22.

Cuarto. Contía

A contía total do crédito destinado a estas axudas será de cincuenta mil euros (50.000 €).

Quinto. Prazo de presentación de solicitudes

Desde o 21 de decembro ata o 31 de xaneiro de 2022.

Vigo, 27 de decembro de 2021

O reitor da Universidade de Vigo
P.D. (Resolución do 26.5.2020; DOG do 4 de xuño)
Natalia Caparrini Marín
Vicerreitora de Captación de Alumnado, Estudantes e Extensión Universitaria