De conformidade co artigo 8 da Lei 19/2013, do 9 de decembro, de transparencia, acceso á información pública e bo goberno, dáselle publicidade á seguinte encomenda coas seguintes características:

1. Resolución do 15 de novembro de 2021, da Consellería do Mar, pola que se lle encarga ao medio propio Fundación Centro Tecnolóxico do Mar-Fundación Cetmar a realización de actividades de promoción dos produtos da pesca, marisqueo e da acuicultura no marco do Business2Sea que terá lugar do 16 ao 18 de novembro no Centro social de Afundación en Vigo.

– Actividade: realización dunha serie de accións de promoción dos produtos da pesca, do marisqueo e da acuicultura galegos no transcurso do encontro Business2Sea, que terá lugar do 16 ao 18 de novembro no Centro social de Afundación en Vigo.

– Natureza e alcance da xestión encomendada: encomenda de xestión a medios propios ao ter a Fundación Centro Tecnolóxico do Mar (Cetmar) a consideración de medio propio instrumental e de servizo técnico da Administración xeral da Comunidade Autónoma de Galicia, en cumprimento do establecido nos artigos 10 e 47 e seguintes da Lei 16/2010, do 17 de decembro, de organización e funcionamento da Administración xeral e do sector público autonómico de Galicia.

– Prazo de vixencia: desde o 15 de novembro de 2021 ata o 31 de decembro de 2021.

– Financiamento: tramitouse con cargo aos orzamentos da Comunidade Autónoma de Galicia na aplicación orzamentaria 15.02.723B.640.0, código do proxecto 2016 00286, e foi cofinanciada polo Fondo Europeo Marítimo e de Pesca nun 75 %.

Santiago de Compostela, 22 de decembro de 2021

Silvia Cortiñas Fernández
Secretaria xeral técnica da Consellería do Mar