En cumprimento da Resolución do 17 de decembro de 2021, da Dirección Xeral de Patrimonio Natural da Consellería de Medio Ambiente, Territorio e Vivenda, emprázanse a cantos aparezan como interesados no procedemento de aprobación da autorización extraordinaria para o desembarco de visitantes nas illas Cíes (Parque Nacional Marítimo-Terrestre das Illas Atlánticas de Galicia) en período de transporte regular marítimo de viaxeiros no verán 2021, outorgada á empresa Naviera Illa de Ons, S.L. mediante Resolución da Dirección Xeral de Patrimonio Natural do 10 de maio de 2021, para que poidan presentarse ante o Tribunal Superior de Xustiza de Galicia, Sección Terceira, no prazo de nove días, no procedemento ordinario 7679/2021, no cal recorre a dita empresa contra a resolución administrativa deste expediente.
O que se fai público para xeral coñecemento.
Santiago de Compostela, 17 de decembro de 2021
Belén María do Campo Piñeiro
Directora xeral de Patrimonio Natural