Para os efectos previstos no Real decreto lexislativo 1/2016, do 16 de decembro, polo que se aproba o texto refundido da Lei de prevención e control integrados da contaminación (BOE núm. 316, do 31 de decembro), faise público que por espazo de vinte (20) días hábiles, contados a partir do día seguinte ao da publicación deste anuncio no Diario Oficial de Galicia, quedará exposto o documento titulado:
– Celega, S.L. Revisión de autorización ambiental integrada. Outubro de 2021.
Para que calquera interesado poida consultalos e, se for o caso, formular no citado prazo as alegacións, suxestións ou observacións que xulgue oportunas, os documentos estarán á disposición dos administrados, en horario de atención ao público, nas seguintes dependencias:
– Dirección Xeral de Calidade Ambiental e Cambio Climático, Servizo de Prevención e Control Integrados da Contaminación (rúa San Lázaro, s/n, 15781 Santiago de Compostela).
Ademais, poderán acceder a esta información na páxina web da Consellería de Medio Ambiente, Territorio e Vivenda (http://cmatv.xunta.gal>>medio ambiente e sostibilidade >>prevención e control de actividades>>autorización ambiental integrada>>proxectos en información pública).
Santiago de Compostela, 23 de novembro de 2021
María Sagrario Pérez Castellanos
Directora xeral de Calidade Ambiental,
Sostibilidade e Cambio Climático
ANEXO
Memoria resumo
Clave do expediente: 2020-IPPC-M-27.
Peticionaria: Celega, S.L.
NIF: B27103837.
Domicilio social: estrada Torre de Freán, Vilatán, s/n, O Saviñao (Lugo).
Localización da instalación: estrada Torre de Freán, Vilatán, s/n, O Saviñao (Lugo).
Actividade: fábrica de produtos lácteos (leite, nata, soro, produtos lácteos fraccionados, queixo mozzarella e leite callado), englobada no anexo I do Real decreto lexislativo 1/2016, do 16 de decembro, polo que se aproba o texto refundido da Lei de prevención e control integrados da contaminación; epígrafe 9.1.c).
Descrición das instalacións: a planta consta dunha nave principal de procesado de produtos lácteos con silos exteriores, EDARI, zona exterior pavimentada con báscula, lavadoiro e aparcamento; centro de transformación, planta de gas e zona de secado de lodos.
Verteduras:
Os tipos de augas residuais xeradas nas instalacións clasifícanse en:
• Augas residuais tratadas na EDARI: augas sanitarias, augas de proceso industrial procedentes da limpeza de equipamentos, locais, lavadoiro de camións, zona de báscula e de descarga de cisternas e augas procedentes da concentración de leite e soro.
• Augas residuais non tratadas: augas pluviais que proceden dos patios da planta e dos tellados e se verten sen tratamento ou paso previo por un separador de hidrocarburos no caso das procedentes dos aparcadoiros.
