Ao estaren vacantes diversos postos de traballo desta universidade, esta xerencia, no uso das atribucións conferidas no artigo 40 dos estatutos desta universidade, aprobados polo Decreto 101/2004, do 13 de maio (DOG do 26 de maio) e modificados polo Decreto 194/2007, do 11 de outubro (DOG do 17 de outubro), e da delegación de competencias operada pola Resolución reitoral do 14 de xaneiro de 2020 en relación co artigo 20 da Lei orgánica 6/2001, do 21 de decembro, de universidades, modificada pola Lei orgánica 4/2007, do 12 de abril, de acordo co que dispón o artigo 79 do Real decreto lexislativo 5/2015, do 30 de outubro, polo que se aproba o texto refundido da Lei do Estatuto básico do empregado público, o artigo 90 e seguintes da Lei 2/2015, do 29 de abril, do emprego público de Galicia, o Decreto 93/1991, da Xunta de Galicia, do 20 de marzo (DOG do 25 de marzo), modificado polo Decreto 166/2013, do 14 de novembro (DOG do 18 de novembro), o Real decreto 364/1995, do 10 de marzo (BOE do 10 de abril), que aproba o Regulamento xeral de ingreso do persoal ao servizo da Administración xeral do Estado e de provisión de postos de traballo e promoción profesional dos funcionarios civís da Administración xeral do Estado, a Resolución da Universidade da Coruña, do 4 de novembro de 2021, pola que se fai pública a relación de postos de traballo do persoal funcionario de administración e servizos (DOG do 15 de novembro), e despois de consultar a Xunta de Persoal Funcionario de Administración e Servizos,
RESOLVE:
Publicar a convocatoria do concurso para cubrir os postos que se relacionan no anexo I desta resolución, así como os que resultaren vacantes no seu proceso de cobertura, conforme as seguintes:
Bases
Primeira. Requisitos e condicións de participación
Poderán participar neste concurso todos/as os/as funcionarios/as de carreira das escalas de administración e servizos da Universidade da Coruña, calquera que for a súa situación administrativa, agás os suspensos en firme, así como os que pertenzan aos distintos corpos ou escalas de calquera das administracións públicas que estean, na data desta convocatoria prestando os seus servizos nesta universidade como funcionario/a de carreira, sempre que reúnan, na data en que remate o prazo de presentación das solicitudes de participación, as condicións e os requisitos exixidos nesta convocatoria, así como o establecido no artigo 9.2 do Decreto 93/1991, do 20 de marzo: «os funcionarios deberán permanecer en cada posto de traballo de destino definitivo un mínimo de dous anos para poderen participar nos concursos de provisión a non ser por supresión do posto».
Despois de transcorrer o período de presentación de instancias, as solicitudes formuladas serán vinculantes para a persoa peticionaria e os destinos adxudicados serán irrenunciables, agás que se obtivese outro destino por medio de convocatoria pública antes de finalizar o prazo de toma de posesión.
Segunda. Postos de traballo
Os postos de traballo son os que se detallan no anexo I, e será necesario para poder optar a calquera deles pertencer ao grupo e ao corpo ou escala-subescala que se sinala nese anexo, así como reunir os requisitos específicos que se sinalan nel e na vixente relación de postos de traballo de persoal funcionario de administración e servizos da Universidade da Coruña, coas excepcións feitas na base primeira.
Así mesmo, os funcionarios que o desexaren poderán solicitar os postos que, a resultas, poidan quedar vacantes durante o proceso de cobertura.
Terceira. Valoración de méritos
A valoración dos méritos das persoas aspirantes para a adxudicación dos postos de traballo que soliciten será como a seguir se indica.
1. Méritos xerais.
A puntuación máxima dos méritos xerais: 100 puntos.
1.1. Grao persoal consolidado.
Puntuación máxima desta epígrafe: 15 puntos.
A valoración do grao persoal consolidado efectuarase segundo os seguintes criterios:
|
Grao consolidado |
Máximo: 15 |
|
30 |
15 |
|
29 |
14,5 |
|
28 |
14 |
|
27 |
13,5 |
|
26 |
13 |
|
25 |
12,5 |
|
24 |
12 |
|
23 |
11,5 |
|
22 |
11 |
|
21 |
10,5 |
|
20 |
10 |
|
19 |
9,5 |
|
18 |
9 |
|
17 |
8,5 |
|
16 |
8 |
|
15 |
7,5 |
|
14 |
7 |
|
13 |
6,5 |
|
12 |
6 |
1.2. Valoración do traballo desenvolvido.
Puntuación máxima desta epígrafe: 25 puntos.
A valoración do traballo desenvolvido na UDC efectuarase segundo os seguintes criterios:
Valorarase o traballo desenvolvido en postos actualmente catalogados como de funcionario que se ocupen con carácter definitivo ou en adscrición provisional, e pertencentes á mesma escala-subescala (administración xeral, bibliotecas, escala técnica).
No caso de ocupar unha praza en comisión de servizos, este tempo valorarase como prestado no último posto que se ocupou con carácter definitivo ou con adscrición provisional.
Para a valoración do traballo desenvolvido na UDC, tomarase a puntuación fixada por ano para cada posto na táboa que a seguir se relaciona. Os períodos inferiores ao ano ratearanse por meses.
|
Escala de administración xeral |
|
|
Letrado/a asesor/a |
2,45 |
|
Vicexerenta/e |
2,375 |
|
Xefa/e de servizo |
2,3 |
|
Xefa/e de sección |
1,85 |
|
Administrador/a |
1,775 |
|
Secretaria/o do reitor, Consello Social |
1,325 |
|
Xefa/e de negociado |
1,175 |
|
Secretaria/o do secretario xeral, vicerreitor, xerente |
|
|
Secretaria/o de decanato/dirección |
0,875 |
|
Secretaria/o de instituto universitario |
0,8 |
|
Secretaria/o administrativa/o |
0,725 |
|
Posto base ORI |
0,650 |
|
Posto base |
0,5 |
|
Xefe de grupo |
0,5 |
|
Escala de bibliotecas |
|
|
Xefe/a de servizo |
2,3 |
|
Xefe/a de sección |
1,85 |
|
Director/a de biblioteca |
1,775 |
|
Bibliotecario/técnico de arquivo |
1,175 |
|
Auxiliar técnico/a de biblioteca |
0,8 |
|
Escala técnica |
|
|
Técnico superior/medio-Xefe de servizo |
1,850 |
|
Técnico superior-Coordinador de área de informática |
|
|
Técnico superior-Coordinador de área de deportes |
|
|
Secretario técnico |
1,775 |
|
Técnico superior en asesoramento científico |
|
|
Técnico en fomento da innovación |
|
|
Técnico en relacións internacionais |
|
|
Técnico superior |
1,700 |
|
Técnico grao medio informático |
1,325 |
|
Técnico grao medio |
1,175 |
|
Técnico especialista en distribución de correos |
|
|
Técnico especialista |
0,875 |
|
Conserxe |
0,500 |
|
Especialista de laboratorio |
0,350 |
|
Condutor |
|
|
Mariñeiro especialista |
|
|
Especialista correos |
|
|
Socorrista |
|
|
Especialista de oficios |
|
|
Telefonista |
0,275 |
|
Vixilante |
0,200 |
|
Auxiliar de servizos |
|
Neste punto, considerarase servizos prestados na UDC o traballo desenvolvido na Universidade de Santiago de Compostela con anterioridade á entrada en vigor do Decreto 3/1990, do 11 de xaneiro, de segregación de centros e servizos da Universidade de Santiago de Compostela con todos os seus medios materiais e humanos e da súa integración nas novas universidades da Coruña e Vigo (DOG do 24 de xaneiro).
O traballo desenvolvido noutras administracións valorarase segundo a puntuación que se corresponda cos postos que figuran na táboa, segundo o seu nivel de complemento de destino e específico, de acordo cos niveis de complemento de destino e específico acreditados na certificación de servizos prestados, ou a proporción que corresponda. A diferenza por cada nivel será de 0,075, tanto de complemento de destino como de específico, no caso de non existir ese nivel na UDC. En caso de que non se poida certificar o nivel de complemento específico, asimilarase ao complemento de destino.
Asegurarase, como mínimo, que a puntuación será a que corresponda ao posto de nivel inferior en que se pode prestar servizos nesta universidade dentro de cada grupo funcionarial da RPT vixente.
1.3. Antigüidade.
Os servizos prestados na Administración pública, en que se inclúen os servizos previos recoñecidos que se prestasen con anterioridade á condición de funcionario de carreira, valoraranse por cada ano completo (ou fracción 1/12 por mes completo), ata un máximo de 20 puntos, do seguinte xeito:
– Servizos prestados noutras administracións: 0,667 puntos por ano completo de servizo.
– Servizos prestados no Sistema universitario de Galicia: 0,667 punto por ano completo de servizo.
Neste punto considerarase servizos prestados no Sistema universitario de Galicia o tempo traballado en centros adscritos de natureza xurídico-pública con anterioridade á súa integración e de acordo coas normas da dita integración.
Ao abeiro do disposto no Real decreto 255/2006, polo que se modifican o Real decreto 364/1995 e o Real decreto 365/1995, engadirase á puntuación obtida por antigüidade (por riba dos 20 puntos) e só se terá en conta para postos de igual ou inferior nivel ao do posto que ocupa no momento do concurso con carácter definitivo ou en adscrición provisional, e que se poderá obter polos seguintes supostos:
a) 1,25 puntos no caso de que o destino previo do cónxuxe funcionario, obtido mediante convocatoria pública, se localice no municipio en que radique o posto ou os postos de traballo solicitados, sempre que se acceda desde un municipio distinto.
b) 1,25 puntos no caso de acreditar o coidado de fillos, tanto cando foren por natureza como por adopción ou acollemento permanente ou preadoptivo, ata que o fillo cumpra doce anos, sempre que a persoa interesada acredite fidedignamente que o posto solicitado permite unha mellor atención do menor.
c) 1,25 puntos no caso de acreditar o coidado dun familiar, ata o segundo grao de consanguinidade ou afinidade, sempre que, por razóns de idade, de accidente, de enfermidade ou de discapacidade non se poida valer por si mesmo e non desempeñe actividade retribuída, sempre que se acceda desde un municipio distinto e sempre que a persoa interesada acredite que o posto que se solicita permite unha mellor atención do familiar. A valoración deste suposto será incompatible coa concedida polo coidado de fillos.
1.4. Formación.
1.4.1. A valoración dos cursos farase de acordo cos seguintes criterios:
A puntuación máxima será de 15 puntos.
Nesta subepígrafe serán valorados os cursos, impartidos e/ou recibidos, de formación administrativa xeral, así como os cursos de formación e de perfeccionamento que versen sobre materias directamente relacionadas coas funcións propias dos postos de traballo. Non se avaliará a formación no DEA se se posúe a titulación de doutor.
– Cursos de aptitude: 0,075 puntos por hora.
– Cursos de asistencia: 0,05 puntos por hora.
– Actividades formativas en que non conste o número de horas: computarase unha hora por día da actividade.
Os cursos impartidos avaliaranse como un curso de aptitude polo número de horas dunha edición.
As estadías noutras universidades, convocadas para o PAS, de duración igual ou superior a 5 días, valoraranse como 20 horas de asistencia a unha acción formativa, e entenderanse incluídas nesta epígrafe exclusivamente as convocadas para o persoal de administración e servizos.
A formación que teña unha antigüidade de máis de 10 anos na data en que finalice o prazo de presentación de instancias non poderá superar un máximo de 10 puntos.
1.4.1.1. Valoraranse os cursos organizados pola UDC, os recibidos na EGAP, no INAP, servizos de prevención e mutuas ou noutros centros oficiais de calquera Administración pública, así como os homologados pola EGAP e os impartidos por organizacións sindicais e empresariais dentro dos programas de formación continua e outros organismos públicos. Igualmente, para os postos reservados ás escalas de arquivos, bibliotecas e museos, valoraranse os cursos específicos organizados por entidades profesionais, membros da Federación Española de Sociedades de Arquivística, Biblioteconomía, Documentación e Museística.
1.4.1.2. Os títulos propios, o DEA e a suficiencia investigadora valoraranse como os cursos recollidos no punto 1.4.1.1.
1.4.1.3. Non se valorarán cursos académicos completos nin por materias de forma illada.
1.4.1.4. Non serán obxecto de valoración os cursos preparatorios ou integrantes de procesos selectivos que sexan organizados por calquera Administración.
1.4.2. Titulación académica.
A puntuación máxima desta epígrafe: 5 puntos.
|
Titulacións |
Máximo: 5 |
|
Doutor |
5 |
|
Mestrado oficial |
1º = 0,5 adicional á titulación de acceso (2º e sucesivos: 10 % do primeiro) |
|
Licenciado/Grao |
4 |
|
Diplomatura |
3 |
|
Ciclo superior de FP |
2,5 |
|
Bacharelato |
2 |
|
Ciclo medio de FP |
|
|
Graduado escolar |
1 |
|
Segundas e sucesivas titulacións universitarias |
10 % do valor da 1ª equivalente no nivel de estudos |
As equivalencias de titulacións serán as establecidas polo Ministerio e a persoa interesada deberá citar a disposición e o BOE en que se establece.
Non se lles dará a consideración de 2as titulacións ás que constitúan unha especialidade por itinerario da titulación ou as titulacións adaptadas ao EEES (graos) a que se acceda a través dun curso ponte (ou similar).
No suposto de posuír dúas titulacións, cando se accede ao segundo ciclo dunha titulación mediante a superación do primeiro ciclo doutra só se terá en conta a de nivel superior.
1.4.3. Coñecemento da lingua galega.
A puntuación máxima desta epígrafe: 5 puntos.
Valoraranse os cursos segundo o recollido na Orde do 16 de xullo de 2007 (DOG do 30 de xullo) modificada pola Orde do 13 de xuño de 2011 (DOG do 24 de xuño) pola que se regulan os certificados oficiais acreditativos dos niveis de coñecemento da lingua galega (Celga), así como as equivalencias que esta última orde dispón no artigo 5:
|
Galego |
Máximo: 5 |
|
Linguaxe administrativa, nivel superior, ou Celga 5 |
5 |
|
Linguaxe administrativa, nivel medio |
3,3 |
|
Celga 4 |
1,6 |
|
Celga 3 |
0,8 |
1.4.4. Coñecemento de idiomas.
A puntuación máxima desta epígrafe: 2,5 puntos.
O coñecemento de idiomas valorarase seguindo os niveis de competencias lingüísticas establecidas polo Consello de Europa no Marco común europeo de referencia das linguas (MECRL), segundo a táboa de equivalencias contida no anexo IV.
Para os efectos de valoración do nivel de competencias lingüísticas, teranse en conta tamén as previsións e equivalencias dos diferentes títulos obtidos nas escolas oficiais de idiomas regulados no Real decreto 1629/2006, do 29 de decembro, polo que se fixan os aspectos básicos do currículo das ensinanzas de idiomas de réxime especial reguladas pola Lei orgánica 2/2006, do 3 de maio, de educación, así como no Decreto 191/2007 da Comunidade Autónoma de Galicia, do 20 de setembro, polo que se establece a ordenación das ensinanzas de idiomas de réxime especial e os currículos dos niveis básico e intermedio, e o Decreto 239/2008 da Comunidade Autónoma de Galicia, do 25 de setembro, polo que se establece o currículo de nivel avanzado.
|
Nivel |
Máximo: 2,5 |
|
C2 |
2,25 |
|
C1 |
1,75 |
|
B2 |
1,25 |
|
B1 |
0,75 |
|
A2 |
0,25 |
|
A1 |
0,1 |
1.5. Grupo do corpo ou escala de pertenza.
A puntuación máxima desta epígrafe: 12,5 puntos.
Polo grupo a que pertence o funcionario e desde o cal participa no concurso concederanse os seguintes puntos:
|
Subgrupo |
Máximo: 12,5 |
|
A1 |
12,5 |
|
A2 |
9,375 |
|
C1 |
6,25 |
|
C2 |
3,125 |
|
E (AP) |
1 |
2. Méritos específicos.
A puntuación máxima dos méritos específicos: 80 puntos.
2.1. Para participar no concurso de méritos específicos regulados neste punto é requisito necesario unha antigüidade mínima de tres anos como persoal funcionario de carreira. Esta fase está dirixida á comprobación e á valoración dos méritos específicos das persoas aspirantes a postos que figuran no anexo I como POSTOS CONVOCADOS CONCURSO ESPECÍFICO. Efectuarase da seguinte forma:
2.2. Proba de carácter práctico (artigo 91.5 da Lei 2/2015, do 29 de abril, do emprego público de Galicia).
Elaboración dun proxecto, exposición e defensa. Puntuación total: 80 puntos.
Os solicitantes deberán elaborar unha memoria na cal se evidencie o coñecemento da área a que concursa, cunha análise das tarefas do posto e os requisitos, condicións e medios necesarios para desempeñalo, así como unha proposta organizativa do posto e área en que se encadra, que conteña os obxectivos que se van desenvolver nos próximos dous anos e coa descrición de, polo menos, dúas accións para cada obxectivo marcado.
Para os efectos do anterior, os solicitantes deberán presentar por escrito e defender oralmente este proxecto, nun acto público, e ante a Comisión para o posto a que se concurse.
Con ese fin presentarase o proxecto no prazo de solicitude da convocatoria do concurso, nun sobre branco, tamaño 36 cm × 26 cm, pechado e sen ningún tipo de identificación, no cal apareza só o enderezo da Universidade da Coruña. Deberá ter unha extensión máxima de 20 páxinas, en tamaño A4 a espazo e medio e cun tipo de letra Times New Roman ou Arial de tamaño 12. Dentro deste sobre incluirase, ademais do proxecto, un segundo sobre branco, tamaño 18,5 cm × 26 cm, pechado e tamén sen identificación, dentro do cal o aspirante indicará os seus datos persoais (nome, apelidos e fotocopia do documento nacional de identidade).
2.3. Valoración do proxecto. Farase en dúas fases:
Fase a). Lectura do proxecto por parte da Comisión Avaliadora. A valoración farase con base nos criterios que previamente estableza e publique a Comisión de Valoración dos méritos específicos. A valoración farase sen coñecer a identidade dos aspirantes e avaliarase cun máximo de 40 puntos, que resultará da media aritmética das puntuacións outorgadas por cada un dos membros da Comisión. Esta puntuación farase pública antes da exposición (fase b). O aspirante deberá obter nesta fase unha puntuación mínima de 15 puntos para conservar a puntuación obtida nesta fase. No caso de non se presentar ou non obter esta puntuación mínima, non poderá realizar a seguinte fase.
Fase b). Exposición pública do proxecto. A valoración farase con base nos criterios que previamente estableza e publique a Comisión de Valoración dos méritos específicos. O tempo máximo de intervención para a defensa e exposición por cada candidato será de 30 minutos. Con posterioridade, terá que atender as preguntas, as aclaracións, os comentarios e as suxestións que puideren formularlle os membros da Comisión. A puntuación será de 40 puntos, como máximo, que resultará da media aritmética das puntuacións outorgadas por cada un dos membros da Comisión, unha vez escoitada a exposición e concluído o diálogo coa persoa aspirante. O aspirante deberá obter nesta segunda fase unha puntuación mínima de 15 puntos para conservar a puntuación obtida na primeira fase. No caso de non se presentar ou non obter esta puntuación mínima, non se lle computará a puntuación obtida na fase a) precedente.
O acto será único para todos os aspirantes a un mesmo posto e será público. Deste acto quedará constancia mediante gravación da intervención dos aspirantes. Os aspirantes serán convocados para a exposición e defensa pública pola Universidade da Coruña cunha antelación de, como mínimo, tres (3) días hábiles. Unha vez outorgada a puntuación do proxecto, a Comisión levantará a acta correspondente, que será publicada no prazo máximo dos cinco días seguintes ao da data da exposición e na cal deberán figurar os criterios de valoración aplicados pola Comisión.
A valoración en ambas as fases efectuarase mediante a puntuación obtida coa media aritmética das outorgadas por cada un dos membros da Comisión Avaliadora, desbotando para estes efectos a máxima e a mínima concedidas ou, de ser o caso, unha das que aparezan repetidas como tales. As puntuacións outorgadas, así como a avaliación final, deberanse reflectir nas actas da Comisión que se redactarán para o efecto.
A Comisión de Valoración dos méritos xerais fará pública a valoración correspondente á epígrafe de méritos xerais con posterioridade á valoración dos méritos específicos que realizará a Comisión encargada desta valoración.
Cuarta. Solicitudes
As solicitudes para tomar parte neste concurso e o modelo de currículo axustaranse ao modelo que se publica como anexos II e III desta resolución e deberanse presentar no Rexistro Xeral da Universidade da Coruña, no Rexistro auxiliar da Zapateira-Elviña, no Rexistro auxiliar de Ferrol ou nas restantes formas previstas no artigo 16.4 da Lei 39/2015, do 1 de outubro, do procedemento administrativo común das administracións públicas, no prazo de quince días hábiles, que se contarán a partir do día seguinte ao da data de publicación desta convocatoria no Diario Oficial de Galicia.
No suposto de que foren varios os postos que se soliciten, a preferencia deles virá establecida pola orde en que aparezan consignados na solicitude.
No caso de que non coincida o número de posto coa denominación deste, prevalecerá o nome do posto.
Poderanse condicionar as peticións de dous funcionarios por razón de convivencia familiar ao feito de obteren, ambos, destinos neste concurso e no mesmo municipio, de tal xeito que, se un deles non obtén destino, quedará anulada tamén a solicitude do outro.
Quinta. Relación de persoas admitidas e excluídas
Unha vez rematado prazo de presentación de solicitudes, o Servizo de Persoal elaborará unha proposta que será trasladada ao xerente, que resolverá declarando a relación provisional de persoas admitidas e excluídas, onde se indicará a causa de exclusión. Esta relación publicarase na sede electrónica e as persoas excluídas terán un prazo de dez días hábiles para reclamaren en contra da exclusión. Unha vez transcorrido o dito prazo, o xerente ditará a resolución en que se declarará aprobada a relación definitiva de persoas admitidas e excluídas, que será publicada na sede electrónica da Universidade da Coruña.
Sexta. Comisións de valoración
Haberá unha Comisión de Valoración dos méritos específicos e unha Comisión de Valoración dos méritos xerais. A composición destas comisións será publicada na sede electrónica da UDC.
As comisións de valoración terán a categoría primeira das recollidas no Decreto 144/2008, do 26 de xuño, polo que se modifica o Decreto 144/2001, do 7 de xuño, de indemnizacións por razóns de servizos ao persoal con destino na Administración autonómica de Galicia.
Sétima. Acreditación de méritos
Os requisitos, os méritos e os demais datos deberán ser acreditados, xunto coa solicitude de participación, polas persoas interesadas mediante a presentación dos documentos e dos títulos orixinais, ou de fotocopias compulsadas, e/ou as certificacións das correspondentes unidades de persoal. As certificacións deberán estar referidas á data de remate do prazo de presentación de solicitudes.
Os servizos prestados na Administración pública serán acreditados de oficio polo Servizo de Persoal de Administración e Servizos da Universidade da Coruña. No caso de que estes non constaren no expediente da persoa interesada, deberán ser acreditados mediante unha certificación expedida pola xefatura de persoal da Administración onde se prestasen.
Os méritos relativos ao número 1.4 (Formación) poderán ser acreditados de oficio polo Servizo de Persoal de Administración e Servizos da Universidade da Coruña sempre que o interesado declare na súa solicitude ter revisada e actualizada no Portal de persoal a documentación correspondente. O prazo de solicitude de actualización da información relativa á formación rematará no mesmo prazo que o de presentación de solicitudes de participación no concurso de méritos.
A Comisión de Valoración non terá en conta os méritos non acreditados pola persoa interesada ou certificados polo Servizo de PAS.
Non obstante, a Comisión de Valoración poderá requirir das persoas concursantes se o considera oportuno a presentación dos documentos adicionais, as aclaracións e as probas que considere precisas.
Oitava. Resolución do concurso e toma de posesión
A orde de prioridade para a adxudicación dos postos virá dada pola puntuación total que se obteña. No concurso a prazas con méritos específicos, a puntuación total será a suma da puntuación obtida polos méritos xerais e específicos. No caso de empate na puntuación, acudirase para dirimilo á orde de valoración de méritos establecida no artigo 10.1 do Decreto da Xunta de Galicia 93/1991, do 20 de marzo, que aproba o Regulamento de provisión de postos de traballo, promoción profesional e promoción interna.
Logo de rematados os traballos de valoración de méritos, a Comisión de Valoración publicará na sede electrónica da UDC as puntuacións que obteñan as persoas aspirantes por cada concepto, así como a proposta provisional de adxudicación dos postos, contra a cal as persoas interesadas poderán formular reclamacións no prazo de dez días hábiles que se contarán a partir do día seguinte ao da súa publicación.
Unha vez transcorrido este prazo, a Comisión remitiralle ao xerente a proposta definitiva de adxudicación de postos a favor das persoas solicitantes que obtivesen a maior puntuación e especificará, se for o caso, os postos que quedasen desertos. O xerente ditará e publicará a resolución coa adxudicación definitiva dos postos no Diario Oficial de Galicia.
O prazo para tomar posesión será de tres días hábiles se non implica cambio de residencia do funcionario ou de sete días hábiles se comporta cambio de residencia.
Cando o/a adxudicatario/a do posto obteña coa súa toma de posesión o reingreso ao servizo activo, o prazo será de vinte días hábiles.
O prazo de toma de posesión comezará a contarse a partir do día seguinte ao do cesamento, que se deberá efectuar na data que se determine xustificadamente mediante resolución do órgano convocante publicada no Diario Oficial de Galicia. Se implica o reingreso ao servizo activo, o prazo de toma de posesión deberase computar desde a dita data.
Esta convocatoria e as súas bases vinculan a Administración e os que participen nela.
Contra esta resolución, que esgota a vía administrativa, poderase interpoñer un recurso contencioso-administrativo no prazo de dous meses, que se contarán desde o día seguinte ao da súa publicación, de conformidade co artigo 46 da Lei 29/1998, do 13 de xullo, reguladora da xurisdición contencioso-administrativa. Previamente, e con carácter potestativo, poderase interpoñer un recurso de reposición, ante esta reitoría, no prazo dun mes, de acordo co establecido no artigo 123 da Lei 39/2015, do 1 de outubro, do procedemento administrativo común das administracións públicas (BOE do 2 de outubro).
A Coruña, 16 de decembro de 2021
O reitor da Universidade da Coruña
P.D. (Resolución do 14.1.2020)
Ramón del Valle López
Xerente da Universidade da Coruña
