A Xunta de Goberno da Cidade de Santiago de Compostela, na sesión ordinaria que tivo lugar o día 7 de decembro de 2021, adoptou o seguinte

ACORDO:

Primeiro. Aprobar inicialmente a modificación puntual do Plan parcial do SUP-1 (Romero Donallo), nos quinteiros 1 e 2, segundo o proxecto presentado por Santiago Sur Galicia, S.L., o día 3.11.2021, elaborado polo arquitecto Fernando Arteaga.

Segundo. En aplicación do procedemento regulado nos artigos 75.1.a) da Lei 2/2016, do solo de Galicia, e 186.1.a) do seu regulamento, a modificación inicialmente aprobada someterase á información pública durante o prazo de dous meses, mediante anuncios que para o efecto se publicarán no Diario Oficial de Galicia e nun xornal dos de maior difusión na provincia. Simultaneamente efectuaráselles a notificación persoal aos titulares das parcelas afectadas segundo figuren no Catastro.

Durante o trámite de información pública solicitaranse os informes sectoriais preceptivos (Estradas do Estado, Patrimonio Cultural, Paisaxe e Augas de Galicia)

A modificación non suspende o outorgamento das licenzas nin dos actos suxeitos á comunicación previa que sexan conformes coa vixente normativa do plan parcial.

O que se publica co fin de que, durante o prazo de dous meses, contado a partir do día seguinte ao da publicación deste anuncio, os interesados poidan consultar o expediente e formular as alegacións que xulguen oportunas. A documentación sometida á exposición pública estará ao dispor dos interesados no Servizo de Planeamento e Xestión do Concello de Santiago (Pazo de Raxoi, 2º andar), de luns a venres, das 9.00 ás 14.00 horas, e na páxina web do concello https://transparencia.santiagodecompostela.gal/Modificacion-puntual-do-Plan-parcial-do-SUP-1-Romero-Donallo/gl

As alegacións deberán presentarse preferentemente, na sede do Concello de Santiago de Compostela, na epígrafe do Catálogo de trámites, a través do trámite de presentación de documentación e alegacións e da opción Achega libre. Deberá introducir o dato 2021/00035053J no campo do código do expediente e incorporar o documento das alegacións.

Tamén se pode presentar a documentación, con cita previa, nos rexistros do Concello de Santiago de Compostela ou por calquera outro medio establecido nas disposicións vixentes.

Santiago de Compostela, 15 de decembro de 2021

O alcalde
P.D. (DEC/4742/2019, do 17 de xuño)
Mercedes Rosón Ferreiro
Concelleira delegada de Urbanismo, Vivenda e Cidade Histórica