O Concello Pleno, en sesión que tivo lugar o día 26 de xaneiro de 2017, acordou aprobar definitivamente o estudo de detalle para a agregación de dúas parcelas e ordenación de volumetría e concreción estética e composición edificatoria das unidades edificatorias 150110 e 150111 (Rúa Nova, 115-117) do PEPRI, formulado por José Vicente Tato Pardo e redactado polo arquitecto Javier Seral Varela-Villamor.
O contido íntegro do documento aprobado poderá consultarse no seguinte enderezo electrónico:
– http://concellodelugo.gal/gl/actuacions/normativa-urbanistica
Así mesmo, faise constar que, unha vez publicado este anuncio, se lle remitirá á Consellería de Medio Ambiente, Territorio e Vivenda unha copia dilixenciada, en soporte dixital, do documento aprobado definitivamente, para os efectos previstos nos artigos 82.4 e 88.3 da Lei 2/2016, do solo de Galicia.
Contra este acordo, que é definitivo en vía administrativa, poderase interpor, no prazo de dous meses, recurso contencioso-administrativo, ante o Tribunal Superior de Xustiza de Galicia, sen prexuízo de que se poida exercer, se é o caso, calquera outro recurso que se considere procedente.
Lugo, 25 de febreiro de 2019
A alcaldesa |
Justo Díaz Rodríguez |