Para os efectos de darlle cumprimento ao solicitado polo Xulgado do Contencioso-Administrativo número 2 de Pontevedra, en relación co procedemento ordinario número 329/2021, interposto pola entidade con CIF B84930825, contra a desestimación presunta, por silencio administrativo, das denuncias formuladas fronte as obras de vivenda unifamiliar, muros de peche e contención, edificacións auxiliares da vivenda e piscina, dentro da zona de servidume de protección do dominio público marítimo terrestre, no lugar de Sar-Beluso, concello de Bueu, parcela catastral L20115900NG18G0001HJ, expediente POL/14/2020, esta dirección resolveu ordenar a remisión do correspondente expediente ao Xulgado do Contencioso-Administrativo número 2 de Pontevedra.

Ao non poder realizarse a notificación persoal do emprazamento, mediante a presente cédula (ao abeiro do disposto no artigo 44 da Lei 39/2015, do procedemento administrativo común das administracións públicas (LPACAP), notifícaselle por medio dun anuncio publicado no Boletín Oficial del Estado e emprázase a Jesús Santomé Martínez para que poida presentarse como interesado nos autos no prazo de nove días, de acordo co disposto no artigo 49.1 da Lei 29/1998, do 13 de xullo, reguladora da xurisdición contencioso-administrativa.

Santiago de Compostela, 29 de novembro de 2021

Jacobo Hortas García
Director da Axencia de Protección da Legalidade Urbanística