DOG 231 do 1/12/2021 - RESOLUCIÓN do 19 de novembro de 2021 pola que se aproba e se fai pública a listaxe definitiva de persoas admitidas e excluídas e se convoca o persoal aspirante á realización do primeiro exercicio (probas de lingua galega) do proceso selectivo para cubrir unha praza da categoría profesional de técnico/a en instalacións, perfil electricidade, pola quenda de acceso libre.

IV. Oposicións e concursos

Universidade de Santiago de Compostela

RESOLUCIÓN do 19 de novembro de 2021 pola que se aproba e se fai pública a listaxe definitiva de persoas admitidas e excluídas e se convoca o persoal aspirante á realización do primeiro exercicio (probas de lingua galega) do proceso selectivo para cubrir unha praza da categoría profesional de técnico/a en instalacións, perfil electricidade, pola quenda de acceso libre.

Mediante a Resolución reitoral do 25 de marzo de 2021 (DOG do 13 de abril e BOE do 29 de abril), convocáronse probas selectivas para cubrir unha praza da categoría profesional de técnico/a en instalacións, perfil electricidade, pola quenda de acceso libre.

Mediante a Resolución reitoral do 16 de xuño de 2021 (DOG do 28 de xuño), aprobouse a relación provisional de persoas aspirantes admitidas e excluídas nas mencionadas probas selectivas, e fixouse un prazo para emendar os defectos que motivaran a exclusión ou omisión.

Rematado o dito prazo e consonte o establecido na base 4.4 da convocatoria,

RESOLVO:

Primeiro. Declarar aprobada e facer pública a listaxe definitiva de persoas admitidas e excluídas ás citadas probas.

Segundo. Indicar que a citada listaxe definitiva está exposta no taboleiro electrónico da USC e na web: https://www.usc.es/gl/servizos/plan_pas/convocatorias.html

Terceiro. Convocar o persoal aspirante admitido e que non está exento deste exercicio, para a realización do primeiro exercicio da fase de oposición (probas de lingua galega), o día 17 de xaneiro de 2022 ás 10.00 horas, no Servizo de Normalización Lingüística (Vivendas dos Catedráticos, 1º andar, avenida das Ciencias, Campus Vida, Santiago de Compostela).

A publicación dos sucesivos anuncios de realización dos demais exercicios efectuarase polo tribunal, nos locais onde se realizara a proba anterior, no taboleiro electrónico da universidade e na páxina web:

http://www.usc.es/gl/servizos/plan_pas/convocatorias.html

Contra esta resolución, que esgota a vía administrativa, poderase interpoñer un recurso contencioso-administrativo ante o Xulgado do Contencioso-Administrativo de Santiago de Compostela, no prazo de dous meses contados desde o día seguinte ao da súa publicación, de conformidade co disposto na Lei 29/1998, do 13 de xullo, reguladora da xurisdición contencioso-administrativa.

Non obstante, as persoas interesadas poderán interpoñer un recurso potestativo de reposición no prazo de un mes perante o órgano que a ditou. Neste caso non se poderá interpoñer o recurso contencioso-administrativo antedito mentres non se dite resolución expresa ou presunta do recurso administrativo de reposición, ao abeiro dos artigos 123 e seguintes da Lei 39/2015, do 1 de outubro, do procedemento administrativo común das administracións públicas.

Santiago de Compostela, 19 de novembro de 2021

Antonio López Díaz
Reitor da Universidade de Santiago de Compostela