A Lei 9/2007, do 13 de xuño, de subvencións de Galicia, dispón no seu artigo 15.1, relativo á publicidade das subvencións concedidas, que os órganos administrativos concedentes publicarán no Diario Oficial de Galicia as subvencións concedidas con expresión da convocatoria, o programa e crédito orzamentario a que se imputen, o beneficiario, a contía concedida e a finalidade ou finalidades da subvención.

O artigo 25.6 da Orde da Consellería de Emprego e Igualdade do 31 de decembro de 2020 (DOG núm. 21, do 2 de febreiro de 2021) pola que se estableceron as bases reguladoras e se procedeu á convocatoria pública das axudas e subvencións para a realización de Programas de emprego para persoas mozas incluídas no ficheiro do Sistema nacional de garantía xuvenil, no ámbito da Comunidade Autónoma de Galicia para o ano 2021 (código de procedemento TR353B) establece que, as subvencións concedidas se publicarán, con expresión da entidade beneficiaria, a contía e a finalidade, no Diario Oficial de Galicia de acordo co disposto na Lei 9/2007, do 13 de xuño, de subvencións de Galicia, e na Lei 1/2016, do 18 de xaneiro, de transparencia e bo goberno.

A convocatoria tiña como finalidade establecer as bases reguladoras e a convocatoria pública das axudas e subvencións do ano 2021 para o fomento do emprego a través dos programas mixtos de emprego e formación (Programas de emprego), dirixidos a mellorar a ocupabilidade, a cualificación e a inserción profesional das persoas mozas incluídas no ficheiro do Sistema nacional de garantía xuvenil, no ámbito da Comunidade Autónoma de Galicia.

O financiamento das axudas previstas na orde de convocatoria efectuouse con cargo aos créditos da aplicación 11.05.322A.460.2 (código de proxecto 2018 00017) estando cofinanciadas nunha porcentaxe do 91,89 % pola Unión Europea a través do Fondo Social Europeo, mediante a Iniciativa de Emprego Xuvenil, Programa operativo de emprego xuvenil 2014-2020, obxectivo temático 8, prioridade de investimento 8.2, obxectivo específico 8.2.2, medida 8.2.2.5.

En consecuencia,

RESOLVO:

Ordenar a publicación no Diario Oficial de Galicia das subvencións concedidas para os Programas de emprego dirixidos a persoas mozas incluídas no ficheiro do Sistema nacional de garantía xuvenil, no ámbito da Comunidade Autónoma de Galicia, ao abeiro da Orde do 31 de decembro de 2020 (DOG núm. 21, do 2 de febreiro de 2021), segundo o anexo desta resolución.

Santiago de Compostela, 15 de novembro de 2021

Zeltia Lado Lago
Directora xeral de Formación e Colocación

ANEXO

Expediente	Entidade beneficiaria	CIF	Concedido 2021	Concedido 2022
15/00002/21	Concello da Coruña	P1503000J	184.746,16	184.746,16
15/00004/21	Mancomunidade Voluntaria de Municipios da Comarca de Ordes	P1500003G	184.319,33	184.319,33
15/00005/21	Concello de Teo	P1508300I	184.746,16	184.746,16
15/00009/21	Concello de Santiago de Compostela	P1507900G	184.746,16	184.746,16
15/00010/21	Concello de Arteixo	P1500500B	184.746,16	184.746,16
15/00014/21	Concello de Rois	P1507500E	173.199,53	173.199,52
15/00016/21	Concello de Ribeira	P1507400H	184.746,16	184.746,16
27/00001/21	Concello de Ribadeo	P2705100B	184.746,16	184.746,16
27/00002/21	Concello de Lugo	P2702800J	184.746,16	184.746,16
32/00001/21	Mancom.Voluntaria de Concellos da Comarca de Ourense	P3200026G	184.746,16	184.746,16
32/00002/21	Mancomunidade de Municipios da Comarca de Verín	P3200025I	184.746,16	184.746,16
36/00001/21	Concello de Vilanova de Arousa	P3606100J	184.746,16	184.746,16
36/00002/21	Concello de Moaña	P8602901D	184.746,16	184.746,16
36/00004/21	Concello de Vigo	P3605700H	184.746,16	184.746,16
36/00005/21	Concello de Redondela	P3604500C	184.746,16	184.746,16
36/00007/21	Concello da Estrada	P3601700B	184.746,16	184.746,16
36/00011/21	Mancomunidade de Concellos do Val Miñor	P8605705F	184.746,16	184.746,16
36/00013/21	Mancomunidade da Área Intermunicipal de Vigo	P8605704I	184.746,16	184.746,16
36/00014/21	Concello de Lalín	P3602400H	184.746,16	184.746,16