Logo de aprobarse inicialmente por Acordo da Xunta de Goberno Local do 25 de outubro de 2021 o Plan especial de infraestruturas e dotacións (PEID), para a ordenación da parcela de equipamento do sistema xeral proposto E-151, incluída no ámbito de solo urbano non consolidado AP-15-R municipal, de conformidade co artigo 75.1.a) da Lei 2/2016, do 10 de febreiro, do solo de Galicia, e co artigo 186.1.a) do regulamento da Lei 2/2016, do 10 de febreiro, do solo de Galicia, aprobado polo Decreto 143/2016, do 22 de setembro:

Primeiro. Sométese á información pública por un prazo de (2) dous meses desde a publicación do anuncio de aprobación inicial no Diario Oficial de Galicia, nun dos xornais de maior difusión na provincia, no taboleiro de anuncios e na sede electrónica deste concello.

Durante o período de información pública poderá examinar o Plan especial calquera persoa e formular as alegacións que procedan. Para tales efectos queda á disposición dos interesados o expediente administrativo tramitado para que poida ser examinado na Secretaría municipal durante o período de información pública, en horario de atención ao público, de luns a venres, das 9.00 ás 14.00 horas. Así mesmo, someterase o Plan especial ao trámite de consultas previstas no documento de referencia.

Segundo. Suspender o outorgamento de licenzas urbanísticas na área afectada polo Plan especial de infraestruturas e dotacións, de conformidade co artigo 47 da Lei 2/2016, do solo de Galicia, e co artigo 86 do Decreto 143/2016, do 22 de setembro.

A suspensión terá unha duración máxima de dous anos, contados desde a devandita aprobación inicial, e extinguirase, en calquera caso, coa aprobación definitiva do plan.

Caldas de Reis, 27 de outubro de 2021

Juan Manuel Rey Rey
Alcalde presidente