O Pleno da Corporación Provincial, en sesión ordinaria realizada o 24 de setembro de 2021, aceptou por unanimidade a revogación da delegación, na Deputación Provincial, do exercicio das competencias de xestión, liquidación e recadación en voluntaria e executiva da taxa polo abastecemento de auga do concello de Rairiz de Veiga. De conformidade co disposto no artigo 7 do Real decreto lexislativo 2/2004, do 5 de marzo, polo que se aproba o texto refundido da Lei reguladora das facendas locais, e no artigo 106.3 da Lei 7/1985, do 2 de abril, reguladora das bases do réxime local, publícase o citado acordo nos seguintes termos:
Aceptar a revogación da delegación, na Deputación Provincial de Ourense, do exercicio das competencias de xestión, liquidación e recadación en voluntaria e executiva da taxa polo abastecemento de auga do concello de Rairiz de Veiga.
Ourense, 1 de outubro de 2021
José Manuel Baltar Blanco
Presidente da Deputación Provincial de Ourense