Mediante Resolución da directora da Escola Galega de Administración Pública (EGAP) do 25 de maio de 2021 (DOG número 109, do 10 de xuño) aprobáronse as bases reguladoras e convocáronse subvencións, en réxime de concorrencia competitiva e en réxime de concorrencia non competitiva, destinadas ao financiamento de plans de formación das entidades locais de Galicia no ano 2021, no marco do Acordo de formación para o emprego das administracións públicas.
De acordo coa base 15ª da convocatoria, a resolución de concesión das subvencións que se outorguen será competencia da directora da EGAP.
A dita competencia atópase delegada no secretario xeral da Escola en virtude do disposto pola epígrafe primeira, letra i), da Resolución do director da EGAP do 17 de decembro de 2007.
De acordo co exposto e coa obriga de publicidade recollida na base 15ª da antedita Resolución do 25 de maio de 2021, faise pública a Resolución da directora da EGAP do 8 de outubro de 2021 de adxudicación das subvencións destinadas ao financiamento de plans de formación das entidades locais que literalmente di:
De acordo co indicado,
RESOLVO:
Primeiro. Conceder as axudas económicas para o financiamento dos plans de formación das entidades que se reflicten no anexo, con indicación das beneficiarias e o importe da axuda.
Segundo. Informar as adxudicatarias de subvencións con importe non superior a 18.000 euros que, de acordo co disposto pola base 20ª, se poderán realizar pagamentos anticipados por importe ata o 80 % da subvención outorgada, que suporán entregas de fondos con carácter previo á xustificación, como financiamento necesario para poder levar a cabo as actuacións inherentes á subvención e co límite de 18.000 euros, de acordo co establecido no artigo 63.1.un do Decreto 11/2009, do 8 de xaneiro, polo que se aproba o Regulamento da Lei 9/2007, do 13 de xuño, de subvencións de Galicia. As entidades beneficiadas deberán xustificar o pagamento que dá lugar á subvención de acordo co previsto na base 22ª da convocatoria.
Terceiro. Advertir ás entidades beneficiarias do seguinte:
1. Só serán subvencionables os gastos que se realicen entre o 1 de xaneiro e o 15 de novembro de 2021 e que se atopen efectivamente pagados o 3 de decembro de 2021, data de finalización do período de xustificación.
A partir do momento da adxudicación das subvencións, as entidades beneficiarias poderán modificar os seus plans de formación, debendo realizalo mediante solicitude que se dirixirá á EGAP antes do 15 de outubro de 2021, unicamente no caso daquelas modificacións que se consideren substanciais.
2. A xustificación realizarase mediante a achega á EGAP da correspondente conta xustificativa na forma que se determina na convocatoria na súa base 20ª.
3. De acordo co establecido no artigo 45 do Decreto 11/2009, do 8 de xaneiro, se transcorrido o prazo de xustificación a beneficiaria non presenta a documentación xustificativa, a EGAP requiriraa para que no prazo improrrogable de 10 días, sexa presentada, con apercibimento de que a falta de presentación dará lugar perda do dereito ao cobramento total ou parcial da subvención, á exixencia de reintegro e ás demais responsabilidades establecidas na lei de subvencións de Galicia.
4. As beneficiarias deberán incorporar de forma visible no material de difusión das actividades formativas subvencionadas o seu financiamento público.
Cuarto. Denegar a concesión da axuda ao Concello de Cangas por non superar o seu plan de formación o limiar de 25 puntos fixado na base décimo cuarta da convocatoria.
Quinto. Ordenar que se notifique esta resolución de concesión mediante o Sistema de notificación electrónica de Galicia-Notifica.gal dispoñible a través da sede electrónica da Xunta de Galicia (https://sede.xunta.gal), coa advertencia de que unha vez transcorridos dez (10) días naturais desde a posta a disposición da notificación sen que se acceda ao seu contido entenderase rexeitada.
Contra esta resolución, que pon fin á vía administrativa, poderase interpoñer con carácter potestativo, recurso de reposición ante a directora da EGAP, no prazo dun mes contado desde o día seguinte ao da notificación da resolución nos termos dos artigos 123 e 124 da Lei 39/2015, do procedemento administrativo común das administracións públicas, ou directamente, recurso contencioso-administrativo perante os xulgados do contencioso-administrativo de Santiago de Compostela no prazo de dous meses contados desde o día seguinte ao da notificación da resolución, de conformidade co establecido nos artigos 8.2.a), 14 e 46 da Lei 29/1998, do 13 de xullo, reguladora da xurisdición contencioso-administrativa.
Santiago de Compostela, 14 de outubro de 2021
A directora da Escola Galega de Administración Pública
P.D. (Resolución do 17.12.2007; DOG número 3, do 2.1.2008)
Sergio Domingo Baamonde Boquete
Secretario xeral da Escola Galega de Administración Pública
ANEXO I
Plans aprobados
|
Plans agrupados |
||
|
Beneficiaria |
Orzamento solicitado |
Importe da axuda concedida |
|
Deputación Provincial de Lugo |
121.884,80 € |
115.027,94 € |
|
Deputación Provincial da Coruña |
295.923,79 € |
221.069,31 € |
|
Deputación Provincial de Ourense |
362.449,70 € |
125.866,27 € |
|
Deputación Provincial de Pontevedra |
95.217,54 € |
95.217,54 € |
|
Plan interadministrativo |
||
|
Beneficiaria |
Orzamento solicitado |
Importe da axuda concedida |
|
Federación Galega de Municipios e Provincias |
183.365 € |
183.365 € |
|
Plans unitarios |
||
|
Beneficiario |
Orzamento solicitado |
Importe da axuda concedida |
|
Concello de Vigo |
87.600 € |
34.938,00 € |
|
Concello de Pontevedra |
57.269,97 € |
14.051,71 € |
|
Concello da Coruña |
221.030,04 € |
42.209,59 € |
|
Total |
831.745,36 € |
|
ANEXO II
Plans non aprobados
|
Concello de Cangas |
- |
- |
