A Xunta de Goberno Local, en sesión ordinaria que tivo lugar o 13 de setembro de 2021, acordou aprobar inicialmente o Plan especial de ordenación do núcleo da Pedra do Sal e de protección do seu contorno –PE1 A Pedra do Sal–, segundo a documentación técnica asinada polo arquitecto Ángel Luis Monteoliva, como director dos traballos do Plan especial e representante da empresa adxudicataria Monteoliva Arquitectura, S.L.P.

O que se somete á información pública polo prazo de dous meses en cumprimento dos artigos 75 da Lei 2/2016, do 10 de febreiro, do solo de Galicia, e 186 do regulamento da devandita lei (Decreto 143/2016), co fin de que as persoas que se consideren afectadas por este poidan examinar o expediente e deducir, de ser o caso, as alegacións ou observacións que xulguen oportunas.

Notificaráselles individualmente o acordo de aprobación inicial a todas as persoas titulares catastrais dos terreos afectados que figuran no anexo 6 da memoria xustificativa do Plan especial.

Así mesmo, este anuncio serve de notificación para as parcelas con titulares catastrais descoñecidos, para aqueles titulares dos que se descoñece o seu enderezo ou para aquelas notificacións que resulten infrutuosas.

Tal e como se establece na ficha que se inclúe na normativa do Plan xeral de ordenación municipal (PXOM), no ámbito deste plan especial non se poderán outorgar licenzas ata o seu desenvolvemento.

A totalidade do documento técnico e os trámites contidos no expediente poderán consultarse na Oficina Técnica Municipal, das 10.00 ás 13.00 horas, e na páxina web do concello na seguinte ligazón:

http://www.carballo.org/urbanismo/planeamentodesenvolvemento.php?idioma=gl#ancla

Carballo, 21 de setembro de 2021

Evencio Ferrero Rodríguez
Alcalde