De conformidade co artigo 8 da Lei 19/2013, do 9 de decembro, de transparencia, acceso á información pública e bo goberno, dáse publicidade á seguinte encomenda coas seguintes características:
1. Resolución do 28 de setembro de 2021, da Consellería do Mar, pola que se lle encarga ao medio propio Centro Tecnolóxico do Mar-Fundación Cetmar a realización da asistencia técnica na elaboración dun plan estratéxico para o sector das conservas de peixes e mariscos de Galicia nos anos 2022-2030.
– Actividade: descrición dos traballos que serán obxecto do encargo para a elaboración dun plan estratéxico para o sector das conservas de peixes e mariscos de Galicia nos anos 2022-2030.
– Natureza e alcance da xestión encomendada: encomenda de xestión a medios propios, ao ter a Fundación Centro Tecnolóxico do Mar (Cetmar) a consideración de medio propio instrumental e de servizo técnico da Administración xeral da Comunidade Autónoma de Galicia, en cumprimento do establecido nos artigos 10 e 47 e seguintes da Lei 16/2010, do 17 de decembro, de organización e funcionamento da Administración xeral e do sector público autonómico de Galicia.
– Prazo de vixencia: desde o 28 de setembro de 2021 ata o 30 de setembro de 2022.
– Financiamento: tramitouse con cargo aos orzamentos da Comunidade Autónoma de Galicia na aplicación orzamentaria 15.02.723A.640.1, código do proxecto 2016 00287, e foi cofinanciada polo Fondo Europeo Marítimo e de Pesca nun 75 %.
Santiago de Compostela, 11 de outubro de 2021
Silvia Cortiñas Fernández
Secretaria xeral técnica da Consellería do Mar