En cumprimento do previsto no artigo 22.3 da Lei 3/2007, do 9 de abril, de prevención e defensa contra os incendios forestais de Galicia:

«3. Cando non se poida determinar a identidade da persoa responsable da xestión da biomasa vexetal e da retirada de especies arbóreas prohibidas ou resulte infrutuosa a notificación da comunicación a que se refire o número anterior, esta efectuarase mediante un anuncio no Boletín Oficial del Estado e no Diario Oficial de Galicia, no cal se incluirán os datos catastrais da parcela. Nestes supostos, o prazo para o cumprimento computarase desde a publicación do anuncio».

En vista de que os titulares dos bens que se relacionan a seguir son descoñecidos ou ben resultou infrutuosa a súa notificación, comunícaselles ás persoas responsables a súa obriga legal de xestión da biomasa e de retirada de especies arbóreas prohibidas, imposta polo artigo 22.1 da Lei 3/2007, do 9 de abril, de prevención e defensa contra os incendios forestais de Galicia, nas parcelas que se describen a seguir:

Nº expediente	Titular catastral	Referencia catastral	Nome do lugar	Parroquia
76/2021	Abilio Garabatos Toucedo	36030A019000570000MB	Prado	Vilasobroso
444/2019	En investigación, artigo 47 da Lei 33/2003	4655704NG4745N0001HM		Mondariz
455/2020	Casiano Barros Martínez	36030A071022830000MA	Piñeiros	Riofrío
491/2021	Adelina Barcia Alfaya	36030A044002320000MT	Eido Benito	Vilar
535/2021	Rudesinda Gil Carballo	36030A009004970000MX	Bouzas Covas	Mouriscados
540/2021	Francisca Fernández Iglesias	36030A044002660000MM	Xeixal	Vilar
588/2021	Concello-comunais	36030A059005010000MX	Regueiro	Sabaxáns
708/2021	En investigación, artigo 47 da Lei 33/2003	36030A062000370000MG	Veiga Chan	Toutón
713/2021	Dalmiro Álvarez Álvarez	36030A009004660000MI	Cacharamba	Mouriscados
719/2021	En investigación, artigo 47 da Lei 33/2003	36030A064005410000MT	Paradela	Vilar
796/2021	María Tellado Cortellas	36030A011000310000ML	Marco	Meirol
803/2021	María Carmen Bernárdez Fernández	36030A039001250000MR	Cocho	Mondariz
807/2021	Rita Mera Reboreda	36030A036003270000MI	Apazan	Mondariz
808/2021	Rita Mera Reboreda	36030A020002710000MQ	Eido Bispo	Mondariz
827/2021	Carmen Cousiño Casal	36030A071017010000MP	Pé Muíño	Sabaxáns
946/2021	En investigación, artigo 47 da Lei 33/2003	36030A077000030000MH	Carboal	Sabaxáns
962/2021	Otilia Abril Abril	36030A047002810000MA	Toxeiras	Mondariz
837/2021	Adelina Barcia Alfaya	36030A054015710000MW	P. Mouro	Vilar
840/2021	En investigación, artigo 47 da Lei 33/2003	36030A054015740000MY	Penedo Mouro	Vilar
842/2021	Francisca Fernández Iglesias	36030A054015760000MQ	Gorgullón Peq.	Vilar
856/2021	José Alvariño Otero	36030A061007190000MS	Laiado	Toutón
973/2021	Antonio Prieto Faro	36030A011010880000MA	Xesela	Meirol
1081/2021	Maximino Táboas Rivera	36030A016002880000MB	Campo	Vilasobroso

En virtude do anterior comunícase que na acta de inspección realizada se comprobou que nas referidas parcelas se incumpre o establecido no artigo 21 da Lei 3/2007. Por tanto, mediante a presente comunícase ás persoas responsables que dispoñen dun prazo máximo de 30 días naturais para o cumprimento voluntario para xestionar a biomasa nas parcelas citadas, que se iniciará o día seguinte ao da publicación desta notificación.

Unha vez transcorrido o devandito prazo e en caso de que persista o incumprimento, o Concello procederá sen máis trámites á execución subsidiaria con repercusión dos custos de xestión da biomasa e, se é o caso, do comiso das especies arbóreas prohibidas retiradas pola Administración, nas condicións establecidas no artigo 22.4 da citada Lei 3/2007, do 9 de abril, de prevención e defensa contra os incendios forestais de Galicia, sen prexuízo da instrución do procedemento sancionador que corresponda.

As persoas titulares dos terreos ou dos dereitos de aproveitamento terán a obriga legal de facilitar o acceso necesario para a realización dos traballos de xestión da biomasa e de retirada das especies arbóreas prohibidas. O suxeito que realice os traballos de execución subsidiaria terá a facultade de acceder sen consentimento da persoa titular, agás nos supostos excepcionais previstos legalmente, cando o acceso afecte, dentro da parcela, espazos físicos susceptibles de merecer a cualificación de domicilio para os efectos do artigo 18.2 da Constitución española.

En caso de persistencia no incumprimento e transcorrido o prazo outorgado, iniciarase tamén o correspondente procedemento sancionador segundo o previsto no título VII da Lei 3/2007:

a) Administración competente para sancionar (artigo 54 da Lei 3/2007):

1. Será competente para incoar o procedemento sancionador para as infraccións cometidas en terreos agrícolas, forestais e de influencia forestal a persoa titular da xefatura territorial da consellería con competencias en materia forestal por razón do territorio en que se cometeu a infracción ou daquel con maior superficie afectada.

2. Serán competentes para a resolución dos procedementos sancionadores por infraccións tipificadas nesta lei e incoados no ámbito da consellería con competencia en materia forestal:

a) A persoa titular da xefatura territorial da consellería competente en materia forestal, para a imposición de sancións pola comisión de infraccións leves.

b) O órgano competente en materia forestal, para a imposición de sancións pola comisión de infraccións graves.

c) A persoa titular da consellería que teña asignada a competencia en materia forestal, para a imposición de sancións pola comisión de infraccións moi graves.

3. A incoación do procedemento sancionador en aplicación desta lei, pola presenza dunha ordenanza municipal ao respecto (Ordenanza reguladora de limpeza de terreos, xestión da biomasa forestal e das distancias de plantación para a prevención e a defensa contra os incendios forestais do Concello de Mondariz, do 13 de decembro de 2018), para as infraccións cometidas en terreos urbanos, de núcleo rural e urbanizables delimitados, será competencia da respectiva Administración local. A resolución dos expedientes pola comisión de infraccións leves e graves corresponderalle á persoa titular da Alcaldía, e a dos expedientes pola comisión de infraccións moi graves, ao Pleno do Concello, de conformidade co establecido no artigo 21.ter.2 desta lei:

b) Cualificación da infracción: infracción leve (51.3.a) da Lei 3/2007, do 9 de abril, de prevención e defensa contra os incendios forestais de Galicia), sen prexuízo do establecido no artigo 51.2.g) para as faltas graves.

c) Contía máxima da sanción pecuniaria que se poida impor no caso de infracción leve: 1.000,00 € (artigo 74.a) da Lei 43/2003, do 21 de novembro, de montes, en relación co disposto no artigo 50.1 da Lei 3/2007. No caso de ser considerada infracción grave, a contía máxima da sanción será de 100.000,00 € (artigo 74.b).

d) Procederase ao comiso cautelar da madeira resultante da corta das especies arbóreas que deban ser retiradas de acordo co establecido no artigo 22.2 da Lei 3/2007.

Recursos: contra a presente resolución, que pon fin á vía administrativa, pódese interpor, alternativamente, o recurso de reposición potestativo ante a Alcaldía deste concello, no prazo dun mes, contado a partir do día seguinte ao da publicación deste anuncio, de conformidade cos artigos 123 e 124 da Lei 39/2015, do 1 de outubro, do procedemento administrativo común das administracións públicas, ou ben interpor directamente recurso contencioso-administrativo ante o Xulgado do Contencioso-Administrativo de Pontevedra, no prazo de dous meses contados a partir do día seguinte ao da publicación deste anuncio, conforme o artigo 46 da Lei da xurisdición contencioso-administrativa.

No caso de optar por interpor o recurso de reposición potestativo, non se poderá interpor recurso contencioso-administrativo ata que aquel sexa resolto expresamente ou se produza a súa desestimación por silencio.

De interporse o recurso potestativo de reposición, este deberá ser resolto e notificado no prazo dun mes, segundo establece o artigo 124.2 da referida Lei 39/2015, e entenderase rexeitado o recurso de reposición polo transcurso do mencionado prazo sen resolución expresa notificada, de conformidade co establecido no artigo 126.3 do mesmo texto legal; daquela, os interesados poderán interpor o recurso contencioso-administrativo dentro do prazo de seis meses, contados desde o día seguinte a aquel en que se deba entender presuntamente rexeitado o recurso de reposición interposto, conforme o establecido na Lei da xurisdición contencioso-administrativa.

Mondariz, 29 de setembro de 2021

Xosé Emilio Barros Bello
Alcalde