Como consecuencia da entrada en vigor da Lei 7/2012, do 28 de xuño, de montes de Galicia, e coa finalidade de levar a cabo o establecido na disposición transitoria décimo terceira con respecto á revisión de esbozos de montes veciñais en man común, o Xurado, na reunión celebrada o 17.9.2012, acordou solicitar ao Servizo de Montes a realización de propostas de revisión e elaboración de cartografías actualizadas dos montes veciñais da provincia susceptibles de tal adecuación.
En relación con isto, na sesión celebrada polo Xurado Provincial o día 13.9.2021, figuran os seguintes acordos:
– Monte Padrón, O Seixo e Peón (exp. 85/80), pertencente aos veciños de Chavín, Freixeiro, Manxofrío e Sisto, parroquia de Cabanas, concello do Vicedo.
O 25.3.2020 tivo entrada unha solicitude asinada polo presidente da comunidade para que se proceda á revisión do esbozo conforme a documentación que achega.
O 16.7.2021 o Servizo de Montes elabora unha proposta de novo esbozo (núm. 2020_17) na cal a superficie do monte de Padrón, O Seixo e Peón pasa a ser de 123,13 hectáreas.
Examinada a devandita proposta, o Xurado, por unanimidade, acorda aceptala e proceder á incorporación do novo esbozo ao expediente.
O novo esbozo correspóndese co plano do anexo I, ao final deste anuncio.
– Monte Vilarbasín (exp. 46/76), pertencente aos veciños da parroquia de Vilarbasín, concello de Portomarín.
O 30.6.2020 tivo entrada unha solicitude asinada polo presidente da comunidade para que se proceda á revisión do esbozo conforme a documentación que achega. Após o requirimento oportuno, a solicitude foi mellorada o 25.6.2021.
O 9.9.2021 o Servizo de Montes elabora unha proposta de novo esbozo (núm. 2020_26) na cal a superficie do monte de Vilarbasín pasa a ser de 410,88 hectáreas.
Examinada a devandita proposta, o Xurado, por unanimidade, acorda aceptala e proceder á incorporación do novo esbozo ao expediente.
O novo esbozo correspóndese co plano do anexo II, ao final deste anuncio.
– Monte Cexurias e Pena Marela (exp. 142/77), pertencente aos veciños dos lugares de Abrente, Gorgoeira e Pacio, na parroquia de Mosteiro, concello de Navia de Suarna.
O 30.7.2020 tivo entrada unha solicitude asinada polo presidente da comunidade para que se proceda á revisión do esbozo conforme a documentación que achega.
O 9.9.2021, o Servizo de Montes elabora unha proposta de novo esbozo (núm. 2020_38) na cal a superficie do monte Cexurias e Pena Marela pasa a ser 237,92 hectáreas.
Examinada a devandita proposta, o Xurado, por unanimidade, acorda aceptala e proceder á incorporación do novo esbozo ao expediente.
O novo esbozo correspóndese co plano do anexo III, ao final deste anuncio.
– Monte Portomarín (exp. 18/75), pertencente aos veciños de San Nicolao e San Pedro de Portomarín, concello de Portomarín.
O 22.7.2020 tivo entrada unha solicitude asinada polo presidente da comunidade para que se proceda á revisión do esbozo conforme a documentación que achega.
O 9.9.2021, o Servizo de Montes elabora unha proposta de novo esbozo (núm. 2020_33) na cal a superficie do monte Portomarín pasa a ser 332,80 hectáreas.
Examinada a devandita proposta, o Xurado, por unanimidade, acorda aceptala e proceder á incorporación do novo esbozo ao expediente.
O novo esbozo correspóndese co plano do anexo IV, ao final deste anuncio.
– Monte San Roque (exp. 3/85), pertencente aos veciños da parroquia de Sobrecedo, no concello de Taboada.
O 28.4.2021 tivo entrada unha solicitude asinada polo presidente da comunidade para que se proceda á revisión do esbozo conforme a documentación que achega.
O 9.9.2021, o Servizo de Montes elabora unha proposta de novo esbozo (núm. 2021_18) na cal a superficie do monte San Roque pasa a ser 9,74 hectáreas.
Examinada a devandita proposta, o Xurado, por unanimidade, acorda aceptala e proceder á incorporación do novo esbozo ao expediente.
O novo esbozo correspóndese co plano do anexo V, ao final deste anuncio.
– Monte Biduedo (exp. 133/77), pertencente aos veciños de Biduedo, da parroquia de Pedrafita de Camporrendondo, concello de Baralla.
O 1.2.2021 tivo entrada unha solicitude asinada polo presidente da comunidade para que se proceda á revisión do esbozo conforme a documentación que achega.
O día 9.9.2021, o Servizo de Montes elabora unha proposta de novo esbozo (núm. 2021_5) na cal a superficie do monte Biduedo pasa a ser 139,51 hectáreas.
Examinada a devandita proposta, o Xurado, por unanimidade, acorda aceptala e proceder á incorporación do novo esbozo ao expediente.
O novo esbozo correspóndese co plano do anexo VI, ao final deste anuncio.
– Monte Ferroedo (exp. 153/80), pertencente aos veciños da parroquia de Toiriz, concello de Pantón.
O 12.3.2021 tivo entrada unha solicitude asinada polo presidente da comunidade para que se proceda á revisión do esbozo conforme a documentación que achega. Após o requirimento oportuno, a solicitude foi mellorada o 21.6.2021.
O día 9.9.2021, o Servizo de Montes elabora unha proposta de novo esbozo (núm. 2021_11) na cal a superficie do monte Ferroedo pasa a ser 509,00 hectáreas.
Examinada a devandita proposta, o Xurado, por unanimidade, acorda aceptala e proceder á incorporación do novo esbozo ao expediente.
O novo esbozo correspóndese co plano do anexo VII, ao final deste anuncio.
– Monte Castelo de San Martiño e Fragamoura (exp. 53/79), pertencentes aos veciños da parroquia de Landrove, concello de Viveiro.
O 1.7.2020 tivo entrada unha solicitude asinada polo presidente da comunidade para que se proceda á revisión do esbozo conforme a documentación que achega. Após o requirimento oportuno, a solicitude foi mellorada o 23.7.2021.
O día 9.9.2021, o Servizo de Montes elabora unha proposta de novo esbozo (núm. 2020_27) na cal a superficie do monte Castelo de San Martiño e Fragamoura pasa a ser 154,83 hectáreas.
Examinada a devandita proposta, o Xurado, por unanimidade, acorda aceptala e proceder á incorporación do novo esbozo ao expediente.
O novo esbozo correspóndese co plano do anexo VIII, ao final deste anuncio.
– Monte Nocedo (exp. 29/73), pertencente aos veciños da parroquia de Nocedo, concello de Quiroga.
O 3.2.2020 tivo entrada unha solicitude asinada polo presidente da comunidade para que se proceda á revisión do esbozo conforme a documentación que achega. Após o requirimento oportuno, a solicitude foi mellorada o 27.7.2021.
O día 9.9.2021, o Servizo de Montes elabora unha proposta de novo esbozo (núm. 2020_9) na cal a superficie do monte Nocedo pasa a ser 799,16 hectáreas.
Examinada a devandita proposta, o Xurado, por unanimidade, acorda aceptala e proceder á incorporación do novo esbozo ao expediente.
O novo esbozo correspóndese co plano do anexo IX, ao final deste anuncio.
– Monte Egualonga, Castelo de Gohia, Espigón, Carraceiro, Chao da Lagoa, Quintás e Estreito (exp. 121/80), pertencente aos veciños da parroquia de Lousada, no concello de Xermade.
O 21.9.2019 tivo entrada unha solicitude asinada polo presidente da comunidade para que se proceda á revisión do esbozo conforme a documentación que achega.
Contra esta proposta foron presentadas alegacións o 20.10.2020 por varios veciños de Lousada que, en síntese, manifestan que a revisión non respecta a partición dos denominados Montes de Teixido, que exclúe parte destas parcelas de monte particular mais non ten en conta a totalidade.
Tras darlle traslado das alegacións presentadas, o 3.6.2021 a comunidade de Lousada presentou un escrito en que manifesta que a superficie reclamada polos alegantes xa se atopaba incluída dentro do esbozo de clasificación do MVMC e que, parte dela, tamén está dentro da superficie do convenio número 2715707.
O 9.9.2021 o Servizo de Montes elabora unha proposta de novo esbozo (núm. 2019_64RV) na cal a superficie do monte de Egualonga, Castelo de Goía, Espigón, Carraceiro, Chao da Lagoa, Quintás e Estreito pasa a ser de 713 hectáreas, de conformidade coa nova cartografía.
Examinada a devandita proposta, o Xurado, por unanimidade, acorda aceptala e proceder á incorporación do novo esbozo ao expediente.
O novo esbozo correspóndese co plano do anexo X, ao final deste anuncio.
Contra estes acordos, desde o día seguinte ao da súa publicación no Diario Oficial de Galicia, poderá interpoñerse recurso potestativo de reposición ante o Xurado Provincial de Clasificación de Montes Veciñais en Man Común de Lugo no prazo dun mes, ou ben directamente recurso contencioso-administrativo ante o Xulgado do Contencioso-Administrativo de Lugo no prazo de dous meses, de acordo co disposto nos artigos 123 e 124 da Lei 39/2015, do 1 de outubro, do procedemento administrativo común das administracións públicas, e co artigo 46 da Lei 29/1998, do 13 de xullo, da xurisdición contencioso-administrativa.
Lugo, 23 de setembro de 2021
María Olga Iglesias Fontal
Presidenta do Xurado Provincial de Clasificación
de Montes Veciñais en Man Común de Lugo
