Para os efectos previstos na Lei 24/2013, do 26 de decembro, do sector eléctrico, e no título VII do Real decreto 1955/2000, do 1 de decembro, polo que se regulan as actividades de transporte, distribución, comercialización, subministración e procedementos de autorización de instalacións de enerxía eléctrica, sométense a información pública as peticións de autorización administrativa previa e autorización administrativa de construción da instalación eléctrica que se describe:
Solicitante: UFD Distribución Electricidad, S.A.
Domicilio social: avenida San Luis, 77, 28033 Madrid.
Denominación: subestación de Saceda 132/20 kV-ampliación parque 132/20 kV pos. Coren.
Situación: lugar subestación de Saceda, concello de Ourense.
Características principais recollidas no proxecto: ampliación parque intemperie de 132 kV con nova posición (pos. Coren) equipada con nova posición HIS no primario do transformador 132 kV, con configuración simple barra e intensidade de curtocircuíto de curta duración de 31,5 kA, lugar subestación de Saceda-Ourense.
Todas aquelas persoas ou entidades que se consideren afectadas poderán presentar as súas alegacións dirixidas a esta xefatura territorial, na rúa Curros Enríquez, nº 1-4º, 32071 Ourense, no prazo de trinta días contados a partir da última publicación ou notificación individual.
O proxecto está á disposición do público para a súa consulta durante o prazo de trinta días, contados a partir da publicación deste anuncio no Diario Oficial de Galicia, nesta xefatura territorial e no portal da Vicepresidencia Segunda e Consellería de Economía, Empresa e Innovación (http://ceei.xunta.gal/transparencia/documentos-sometidos-a-informacion-publica).
Ourense, 21 de setembro de 2021
Pablo Fernández Vila
Xefe territorial de Ourense