O artigo 15 da Lei 1/2016, do 18 de xaneiro, de transparencia e bo goberno (DOG núm. 30, do 15 de febreiro) impón a cada consellería da Xunta de Galicia a obriga de publicar no Diario Oficial de Galicia unha relación dos convenios de colaboración subscritos no cuadrimestre anterior.
En consecuencia, e para dar cumprimento a esa obriga,
DISPOÑO:
Artigo único.
Dar publicidade á relación dos convenios subscritos pola Consellería do Medio Rural nos meses de maio, xuño, xullo e agosto, que se incorpora como anexo I a esta resolución.
Santiago de Compostela, 28 de setembro de 2021
Nicolás Vázquez Iglesias
Secretario xeral técnico da Consellería do Medio Rural
ANEXO I
Convenios de colaboración subscritos pola Consellería do Medio Rural nos meses de maio, xuño, xullo e agosto do ano 2021
Título |
Obxecto |
Data da sinatura |
Achega económica da Consellería (€) |
Convenio de colaboración entre a Fundación Galicia Europa e a Consellería do Medio Rural para financiamento dos gastos ocasionados polo persoal destacado na oficina da Fundación en Bruxelas |
Regular as relacións de colaboración entre a Consellería do Medio Rural e a Fundación Galicia Europa para habilitar nas dependencias da Fundación en Bruxelas un espazo de traballo preciso para a persoa designada por esta para levar a cabo as tarefas que lle sexan asignadas. |
10.5.2021 |
5.000,00 € |
Convenio de colaboración entre a Consellería de Sanidade, a Consellería do Medio Rural e a Universidade de Santiago de Compostela para vixilancia das carrachas vectores de enfermidade humana e animal |
Establecer as condicións por que se rexerá a cooperación entre a Consellería de Sanidade, a Consellería do Medio Rural e a USC para a prestación do apoio técnico-científico e desenvolvemento das actividades relacionadas coa vixilancia e control de carrachas vectores de enfermidades en Galicia. |
18.6.2021 |
Sen achega económica |
Convenio de colaboración entre a Consellería de Sanidade, a Consellería do Medio Rural, a Universidade de Santiago de Compostela e a Universidade de Vigo para a vixilancia dos mosquitos vectores de enfermidade humana e animal |
Establecer as condicións por que se rexerá a cooperación entre a Consellería de Sanidade, a Consellería do Medio Rural, a USC e a UVIGO para a prestación do apoio técnico e desenvolvemento das actividades relacionadas coa vixilancia e control de mosquitos vectores de enfermidades en Galicia. |
15.6.2021 |
Sen achega económica |
Segunda addenda ao acordo de colaboración do 8 de xuño de 2018 entre a Consellería do Medio Rural e a Axencia para a Modernización Tecnolóxica de Galicia para a dotación de tecnoloxías de información e comunicación no ámbito da medida 20 do programa de desenvolvemento rural de Galicia cofinanciado co Fondo Europeo Agrícola de Desenvolvemento Rural (Feader) |
Modificar a cláusula segunda coa finalidade de incrementar a dotación económica en 1.296.000 €, modificar a cláusula sexta co fin de prorrogar a vixencia do acordo ata o 30 de decembro de 2022, sen menoscabo da potencial subscrición de novas prórrogas ou addendas que as partes poidan acordar, e modificar o anexo I (Proxectos que se van desenvolver). |
15.7.2021 |
1.296.000,00 € |
Convenio entre o Ministerio de Defensa e a Xunta de Galicia, a través da Consellería do Medio Rural para a prevención de incendios forestais en Galicia durante a campaña 2021 |
Reforzar o operativo de prevención de incendios forestais en Galicia durante a época de perigo alto de incendios do ano 2021, tal e como se establece no Plan de detección, disuasión e investigación do Pladiga. O obxectivo do convenio é levar a cabo a misión de vixilancia e disuasión contra incendios forestais, con patrullas do Ministerio de Defensa. |
28.7.2021 |
469.604,41 € |
Acordo de colaboración entre a Axencia Galega de Emerxencias e a Consellería do Medio Rural para o apoio loxístico na loita contra os incendios forestais a través da cesión de uso de dous vehículos cisterna «gran nutriz» para transporte de auga |
O obxecto do acordo o constitúe a cesión do uso a prol da Consellería do Medio Rural de dous (2) vehículos cisterna «gran nutriz» para usalos nas operacións de extinción de incendios forestais. |
20.7.2021 |
Sen achega económica |
Segunda addenda ao convenio de colaboración entre a Consellería do Medio Rural da Xunta de Galicia, a Axencia para a Modernización Tecnolóxica de Galicia e Redes de Telecomunicación Galegas Retegal, S.A. para o despregamento da rede de vixilancia dos espazos forestais de Galicia, cofinanciado parcialmente co Fondo Europeo Agrícola de Desenvolvemento Rural (Feader) no marco do PDR de Galicia 2014-2020 |
O obxecto desta addenda é reaxustar as anualidades do importe establecido na cláusula segunda relativa a «Financiamento». |
10.6.2021 |
Sen achega económica |
Convenio de colaboración entre a Consellería do Medio Rural da Xunta de Galicia e a Fundación Paideia Galiza para o desenvolvemento dun proxecto para a mellora do material forestal de reprodución |
Mellora da produción forestal dunha das especies forestais de maior interese no bosque galego como é o carballo (Quercus robur), así como para iniciar o desenvolvemento e posta a punto da técnica de reprodución que permita mellorar a produción forestal do bidueiro (Betula pubescens) en Galicia. |
15.7.2021 |
173.287,50 € |