En cumprimento do disposto no artigo 13 do Real decreto 416/2015, do 29 de maio, sobre depósito de estatutos das organizacións sindicais e empresariais, e para os efectos previstos nel, faise público que na correspondente oficina pública de depósito de estatutos de asociacións sindicais e empresariais se acordou depositar con data do 30.8.2021 os estatutos da Asociación de Empresas Galegas de Alugamento de Autocaravanas (Asemgal) (https://expinterweb.mitramiss.gob.es/deose/publico/copiaEstatutos).
Ámbito territorial: Comunidade Autónoma de Galicia.
Ámbito funcional: poderán ser membros da asociación aquelas persoas xurídicas que así o desexen e reúnan as condicións seguintes: a) Estar en posesión da licenza de alugamento de autocaravanas. b) Ter o seu domicilio social na Comunidade Autónoma de Galicia. c) Aboar a cota de entrada e d) Ter polo menos unha persoa contratada por conta allea.
Asinan a acta de constitución: Elías Domingo Rozas Álvarez, Felipe Martínez Rioboo e Roberto Varela García.
Santiago de Compostela, 7 de setembro de 2021
Elena Mancha Montero de Espinosa
Directora xeral de Relacións Laborais