Para os efectos previstos no artigo 73 da Lei 34/1998, do 7 de outubro, do sector de hidrocarburos e no artigo 78 do Real decreto 1434/2002, do 27 de decembro, polo que se regulan as actividades de transporte, distribución, comercialización, subministración e procedementos de autorización de instalacións de gas natural, sométese a información pública o seguinte proxecto de autorización administrativa:
Peticionario: Naturgy Energy Group, S.A. con CIF nº A080015497, e con dirección a efectos de notificación en Avenida San Luís, 77, 28033 Madrid.
Obxecto da petición: o proxecto contempla a execución dunha Planta de Upgrading para producción de biometano comprimido na EDAR Bens (A Coruña):
• Sistema de alimentación de biogás á instalación
– Unidade de secado
– Unidade de impulsión de biogás mediante soplante (con variador de velocidade para poder regular o caudal de biogás).
– Sistema de filtrado do biogás para eliminar SH2 e Siloxanos sobre carbón activo.
– Sistema de compresión e unidade de secado II e filtrado.
– Sistema de membranas.
• Saídas:
– Módulo de inxección.
– Pilotos de experimentación.
– Sistema de subministración vehicular.
– Off-gas (CO2).
• Sistemas auxiliares:
– Sistemas de medición e análise de biogás e de biometano
– Sistema de refrixeración con aire (chiller).
– Sistema de aire comprimido para instrumentos e accionamentos de válvulas.
– Sistema de inertización con nitróxeno.
– Sistemas de drenaxes e venteos.
– Sistema de protección contraincendios.
– Sistema de control.
– Instalación eléctrica.
O que se fai público para coñecemento xeral e para que todas aquelas persoas, naturais ou xurídicas, que se consideren prexudicadas nos seus dereitos, poidan presentar as súas alegacións, no prazo de 20 días a partir da data da última publicación deste anuncio.
A documentación estará ao dispor dos interesados nas dependencias da Sección de Enerxía desta Xefatura Territorial da Coruña da Vicepresidencia Segunda da Consellería de Economía, Empresa e Innovación, (rúa Vicente Ferrer, núm. 2, 2º planta, 15071 A Coruña, das 9.00 ás 14.00 horas, de luns a venres, con cita previa no correo electrónico seccion.enerxia.coruna@xunta.es ou nos teléfonos 981 18 49 70 e 18 49 38). Tamén se poderá consultar no portal web da Consellería de Economía, Empresa e Innovación:
https://edicionportais.xunta.es/web/portal-cei-2014/transparencia/informacion-publica/en-tramitacion/instalacions-de-gas
A Coruña, 29 de xullo de 2021
Isidoro Martínez Arca
Xefe territorial da Coruña