No Diario Oficial de Galicia núm. 155, do 13 de agosto de 2021, publicouse por erro a Orde do 26 de xullo de 2021 pola que se anuncia a convocatoria pública para a provisión dun posto de persoal directivo na Área Sanitaria de Ourense, Verín e O Barco de Valdeorras, que xa fora publicada no Diario Oficial de Galicia núm. 150, do 6 de agosto de 2021.

En consecuencia, e de conformidade coas facultades que teño conferidas,

DISPOÑO:

Deixar sen efecto a Orde do 26 de xullo de 2021 pola que se anuncia a convocatoria pública para a provisión dun posto de persoal directivo na Área Sanitaria de Ourense, Verín e O Barco de Valdeorras, publicada por segunda vez no Diario Oficial de Galicia núm. 155, do 13 de agosto de 2021. O cómputo de prazos, polo tanto, contará a partir da publicación feita no Diario Oficial de Galicia núm. 150, do 6 de agosto de 2021.

Santiago de Compostela, 13 de agosto de 2021

Julio García Comesaña
Conselleiro de Sanidade