O Pleno do Concello de Redondela, en sesión extraordinaria urxente do día 13 de xullo de 2021, adoptou o seguinte acordo:

Primeiro. Aprobar o cambio de uso das parcelas coñecidas como antigas vivendas dos mestres, sitas na avenida de Mendiño, 24 e 26, con referencias catastrais 2423029NG3822S0001AA e 2423030NG3822S0001HA, con clasificación urbanística, dacordo coas normas subsidiarias de planeamento de ámbito municipal, de solo urbano dotacional público de equipamento escolar a outro uso dotacional público, equipamento cultural.

Segundo. Publicar o presente acordo no BOP e no DOG, e remitilo á Dirección Xeral de Ordenación do Territorio e Urbanismo, para os efectos da súa inscrición no Rexistro de Planeamento de Galicia.

Terceiro. Notificar este acordo ao Departamento Municipal de Urbanismo, para o seu coñecemento.

En cumprimento do establecido no punto terceiro deste acordo, faise constar que mediante oficio da alcaldesa do 14 de xullo de 2021, remitiuse o acordo á Dirección Xeral de Ordenación do Territorio e Urbanismo, para os efectos da súa inscrición no Rexistro de Planeamento de Galicia.

Redondela, 14 de xullo de 2021

Digna Rosa Rivas Gómez
Alcaldesa