Antecedentes:

Por resolución do director da Axencia Galega de Infraestruturas do 20 de xullo de 2021, aprobouse provisionalmente o proxecto de construción da senda na AC-305, treito A Casilla-O Araño-Burés, de clave AC/19/005.06.

O artigo 6.2 da Lei 8/2013, do 28 de xuño, de estradas de Galicia, e o artigo 12.2 do Decreto 66/2016, do 26 de maio, polo que se aproba o Regulamento xeral de estradas de Galicia, determina que os espazos destinados a sendas para peóns ou para a circulación de ciclistas teñan a consideración de elementos funcionais da estrada. Tendo en conta este precepto, a Xunta Galicia elaborou a «Estratexia en materia de Mobilidade Alternativa de Galicia», entre cuxos obxectivos está o fomento dos sistemas de transporte alternativos aos motorizados, que permitan minimizar as repercusións sobre o ambiente e os seus impactos sociais e económicos.

O obxectivo da implantación do itinerario peonil é a de fomentar a mobilidade sustentable e crear un itinerario seguro entre os núcleos de poboación considerados. Para isto, a senda peonil proxéctase pola marxe dereita da AC-305 en dous treitos:

– Treito 1: entre os puntos quilométricos (p.q.) 9+960 e 10+760 (Burés-Os Xens).

– Treito 2: entre os puntos quilométricos (p.q.) 12+510 e 13+020 (Contrés-A Casilla).

RESOLVO:

Primeiro. De acordo co establecido no artigo 21.1 da Lei 8/2013, do 28 de xuño, de estradas de Galicia, e no artigo 50 do Decreto 66/2016, do 26 de maio, polo que se aproba o regulamento xeral de estradas de Galicia o mencionado proxecto de construción sométese ao trámite de información pública durante un período de trinta (30) días hábiles, contados a partir do seguinte ao da publicación deste anuncio no Diario Oficial de Galicia, para que as persoas que o consideren oportuno poidan formular por escrito, ante a Axencia Galega de Infraestruturas, as observacións que crean convenientes relativas á concepción global do trazado deseñado.

Segundo. Que, simultaneamente ao trámite sinalado no parágrafo anterior, e para os efectos previstos no artigo 56.1 do Decreto do 26 de abril de 1957, polo que se aproba o Regulamento de expropiación forzosa, sométese a información pública a relación individual de bens, dereitos e propietarios afectados pola realización da obra correspondente, para que os afectados presenten cantas alegacións ou rectificacións consideren convenientes en canto aos bens e dereitos descritos na relación anexa.

Terceiro. Do mesmo xeito, sométese o presente proxecto a información pública para os efectos do establecido no Real decreto 849/1986, do 11 de abril, polo que se aproba o Regulamento do dominio público hidráulico, en relación coa protección do dominio público hidráulico e coas actuacións neste ou na súa zona de policía.

Cuarto. A exposición ao público, para os efectos da presente resolución, realízase na Axencia Galega de Infraestruturas (San Caetano, s/n,15781 Santiago de Compostela), no Servizo de Infraestruturas da Coruña (rúa Vicente Ferrer, 2, 15008 A Coruña), na Casa do Concello de Rianxo (Praza Castelao, 1, 15920 Rianxo, A Coruña). Así mesmo, na páxina web da Consellería de Infraestruturas e Mobilidade, (https://infraestruturasemobilidade.xunta.gal/organizacion/c/CIV_Axencia_Galega_de_Infraestruturas) atópase á disposición dos interesados o documento completo do proxecto de construción.

Santiago de Compostela, 26 de xullo de 2021

Francisco Menéndez Iglesias
Director da Axencia Galega de Infraestruturas

ANEXO

Relación de bens, dereitos e propietarios afectados

Proxecto de construción

Senda na AC-305. Treito: A Casilla-O Araño-Burés. Clave AC/19/005.06

Concello de Rianxo.

Nº de orde	Ref. catastral	Políg.	Parc.	Titular catastral	DNI	Bens afect.	Superf. catastral (m2)	Afeccións (m2)				Clase solo	Situación básica do solo
Subparc.	Aprov./uso	Expro.	Total	Segundo art. 21 do RDL 7/2015
1	8869102NH1286N	86691	2	Miguens Miguens, Baldomero (herdeiros de)	***5699**		2.624	a (1.472 m2)	Solo sen edif.	12,08	12,08	Urbano non consolid.	Rural
2	15073A04700405	47	405	Figueira Luisa, Visenta	***0351**		1.031		Agrario	14,26	14,26	Rústico	Rural
3	15073A04900069	49	69	Rial Ordóñez, Francisco	***1972**		1.977		Agrario	2,15	2,15	Rústico	Rural
4	15073A04900141	49	141	Ces Tubío, María	***7609**		405		Agrario	4,80	4,80	Rústico	Rural
5	15073A04900072	49	72	Romero Quintáns, Ramón	***5554**		5.491		Agrario	4,11	4,11	Rústico	Rural
6	15073A04900108	49	108	Franco Cespón, María Lorenzo Vázquez, José Antonio	***6040** ***7604**		2.272		Agrario	2,55	2,55	Rústico	Rural
7	15073A04900112	49	112	Mariño, Constantino	Descoñecido		114		Agrario	10,08	10,08	Rústico	Rural
8	15073A04900114	49	114	Reiriz Abeijón, María	***7301**		370		Agrario	61,21	61,21	Rústico	Rural
9	15073A07200614	72	614	Vázquez Carril, Mercedes	***6702**		329		Agrario	8,96	8,96	Rústico	Rural
10	15073A07200615	72	615	Vázquez Carril, María Consuelo	***0343**		366		Agrario	10,61	10,61	Rústico	Rural
11	15073A07200616	72	616	Somoza Cespón, Jesús	***8011**		406		Agrario	0,29	0,29	Rústico	Rural
12	15073A07200617	72	617	Rial Vázquez, María de los Dolores (herdeiros de) Ces Agrelo, Leopoldo (herdeiros de)	***5688** ***5699**		263		Agrario	1,72	1,72	Rústico	Rural
13	15073A07200618	72	618	Brea Rial, Dolores (herdeiros de)	***7584**		679		Agrario	12,88	12,88	Rústico	Rural
14	15073A07200244	72	244	Vázquez Rey, José María (herdeiros de)	***7560**		1.943		Agrario	24,09	24,09	Rústico	Rural
15	15073A07200442	72	442	Vázquez Carril, María Consuelo	***0343**		592		Agrario	6,51	6,51	Rústico	Rural
16	15073A07200440	72	440	Varela Saborido, María del Carmen	***0466**		300		Agrario	2,88	2,88	Rústico	Rural
17	15073A07200441	72	441	Brea Rial, Dolores (herdeiros de)	***7584**		101		Agrario	13,00	13,00	Rústico	Rural
18	15073A07200446	72	446	Rey Blanco, Joaquín	Descoñecido		1.015		Agrario	20,65	20,65	Rústico	Rural
19	15073A07208400	72	8400	Rial Vázquez, María Romero Romero, Elida	Descoñecido ***5823**	20 ud. árbores	1.425		Agrario	222,57	222,57	Rústico	Rural
20	15073A07200628	72	628	Couso Ces, David	***3472**	8 ud. árbores	198		Agrario	24,58	24,58	Rústico	Rural
21	15073A07200629	72	629	Figueira Rial, Carmen Rial Abuín, María Josefa (herdeiros de)	***6660** ***7482**		1.137		Agrario	21,73	21,73	Rústico	Rural
22	15073A07200630	72	630	Brea Rial, Ramón Brea Rial, Dolores (herdeiros de) Brea Rial, María	***5516** ***7584** ***7584**		880		Agrario	9,55	9,55	Rústico	Rural
23	15073A07200661	72	661	Alcalde Riveiro, Berta	***5057**		176		Agrario	4,58	4,58	Rústico	Rural
24	15073A07200660	72	660	Alcalde Riveiro, Berta	***5057**		241		Agrario	7,69	7,69	Rústico	Rural
25	15073A07200633	72	633	Alcalde Riveiro, Berta	***5057**		666		Agrario	5,84	5,84	Rústico	Rural
26	15073A07200634	72	634	Franco Rial, Marina	***0821**		1.471		Agrario	30,00	30,00	Rústico	Rural
27	15073A07200453	72	453	Brea Rial, Ramón Brea Rial, Dolores (herdeiros de) Brea Rial, María	***5516** ***7584** ***7584**		984		Agrario	14,34	14,34	Rústico	Rural