O Pleno do Concello de Salvaterra de Miño, na súa sesión ordinaria do 26 de xullo de 2021, acordou proceder á aprobación inicial do Proxecto de Expropiación forzosa, polo procedemento de taxación conxunta, dos bens e dereitos afectados pola execución da urbanización da rúa Galicia.
Dando cumprimento ao establecido no artigo 118 da Lei 2/2016, do 10 de febreiro, do solo de Galicia, e no 293 do Decreto 143/2016, do 22 de setembro, polo que se aproba o Regulamento da Lei 2/2016, ábrese un prazo de información pública mediante anuncio no Diario Oficial de Galicia, nun dos xornais de maior difusión na provincia, no taboleiro de anuncios e na sede electrónica municipal (https://concellodesalvaterra.sedelectronica.gal/), por un prazo de un (1) mes contado a partir do seguinte ao da publicación do presente anuncio no DOG.
Durante este prazo, aquelas persoas que poidan resultar interesadas poderán formular as observacións e reclamacións que xulguen convenientes, en particular no que atinxe á titularidade ou valoración dos seus respectivos dereitos.
Para tal efecto, o expediente atópase á súa disposición na Secretaría do Concello en horario de atención ao público.
Salvaterra de Miño, 29 de xullo de 2021
Marta Valcárcel Gómez
Alcaldesa
