O Pleno do Concello, na sesión que tivo lugar o 8 de xullo de 2021, adoptou, entre outros, o seguinte acordo:

«Primeiro. Aprobar definitivamente o documento denominado Estudo de detalle para a ordenación de volumes da ampliación do Edificio do CITIC, Campus de Elviña. Documento para aprobación definitiva. Maio 2021, promovido pola UDC e redactado polos arquitectos Alfredo Garrote Pazos e Sara Prieto Hortas, número de colexiados do COAG 1440 e 4754, respectivamente.

Segundo. Ordenar a realización dos trámites administrativos recollidos nos artigos 82 e 88 da Lei 2/2016, do 10 de febreiro, do solo de Galicia, e concordantes do regulamento de desenvolvemento desta, para procurar a eficacia do acto de aprobación definitiva e a entrada en vigor do estudo de detalle aprobado.

Terceiro. Notificar este acordo ao promotor e ás áreas municipais interesadas na tramitación do expediente».

O contido íntegro do estudo de detalle aprobado pódese consultar na web de urbanismo ou no visor Desenvolvemento do Planeamento, ou consultalo de maneira presencial nas dependencias municipais de Urbanismo, para o que deberá de solicitar cita previa, por escrito no Rexistro Municipal ou no enderezo electrónico registrourbanismo@coruna.es

Contra este acordo, con carácter de disposición administrativa de carácter xeral, pódese interpoñer directamente recurso contencioso-administrativo, ante a sala correspondente do Tribunal Superior de Xustiza de Galicia (artigo 84.1 da Lei do solo de Galicia e artigo 201.1 do seu regulamento), no prazo de dous meses que se contarán a partir do día seguinte ao da publicación deste anuncio, de conformidade co disposto no artigo 46 da Lei 29/1998, do 13 de xullo, da xurisdición contencioso-administrativa, sen prexuízo de interpoñer calquera outro recurso que se entenda máis procedente e sexa conforme co dereito.

A Coruña, 15 de xullo de 2021

A alcaldesa
P.D. (Decreto 3847/2019, do 27 de xuño)
María Hernández García
Directora da Área de Urbanismo