Na sesión celebrada polo Xurado Provincial o día 2.6.2021 figura o seguinte acordo:
Monte de Guimarei (expediente 65/77), pertencente aos veciños da parroquia de Guimarei, no concello de Baralla.
O 14.10.2020 tivo entrada un recurso de reposición, presentado pola comunidade de Guimarei, contra o acordo do Xurado do 27.7.2020 de revisión de esbozo do monte veciñal. En síntese, manifesta non estar de acordo co novo esbozo por non respectar fielmente a proposta solicitada pola comunidade, dado que segue incluíndo cinco parcelas de propiedade particular.
Examinado o dito recurso, presentado fóra do prazo concedido, o Xurado, por unanimidade, acorda non admitilo, de conformidade cos fundamentos que se recollen na correspondente resolución.
Contra esta resolución, no prazo de dous meses contados desde o día seguinte ao da súa notificación ou publicación no Diario Oficial de Galicia, poderá interpoñerse recurso contencioso-administrativo perante o Xulgado do Contencioso-Administrativo de Lugo, de conformidade co artigo 46 da Lei 29/1998, do 13 de xullo, da xurisdición contencioso-administrativa.
Lugo, 24 de xuño de 2021
Mª Olga Iglesias Fontal
Presidenta do Xurado Provincial de Clasificación de
Montes Veciñais en Man Común de Lugo