Ao quedaren dispoñibles no porto de Ribeira varios departamentos, tipo L, tipo D e tipo E, preferentemente para o seu uso como almacén de aparellos de pesca, ábrese unha convocatoria pública para a súa adxudicación. Os interesados poderán presentar as súas solicitudes, no prazo de vinte (20) días hábiles, a través da sede electrónica da Xunta de Galicia, empregando o procedemento IF500B, achegando a documentación indicada no dito procedemento. Finalizado este prazo, adxudicaranse os departamentos coas solicitudes presentadas ata esa data.

O que se fai público, para os efectos previstos no artigo 63 da Lei 6/2017, do 12 de decembro, de portos de Galicia (DOG núm. 236, do 14 de decembro), para que as persoas e entidades interesadas poidan presentar as súas solicitudes de conformidade co procedemento IF500B, publicado na sede electrónica da Xunta de Galicia e polo prego de bases e de condicións específico da convocatoria, o cal está á disposición dos interesados na páxina web de Portos de Galicia www.portosdegalicia.com

O prazo para a presentación de solicitudes comezará a contar a partir do día seguinte ao da publicación deste anuncio no Diario Oficial de Galicia e quedará aberto.

Ábrese, así mesmo, un prazo de vinte (20) días hábiles, contados a partir do seguinte ao da publicación deste anuncio no Diario Oficial de Galicia, para que as persoas e entidades interesadas poidan presentar por escrito as alegacións que consideren oportunas relativas a esta convocatoria.

A Coruña, 31 de maio de 2021

Lorena Solana Barjacoba
Xefa da Zona Centro