Advertido erro na citada resolución, publicada no Diario Oficial de Galicia número 120, do 25 de xuño de 2021, procede facer as oportunas correccións:
Na páxina 32198, na base vixésimo primeira (primeiro parágrafo), onde di: «A persoa beneficiaria deberá presentar no Rexistro da Agadic, tendo de prazo máximo ata o 15 de agosto de 2021, a conta xustificativa da realización do desenvolvemento do proxecto subvencionado, que conterá a seguinte documentación:»; debe dicir: «A persoa beneficiaria deberá presentar no Rexistro da Agadic, onde terá de prazo máximo ata o 15 de agosto de 2022, a conta xustificativa da realización do desenvolvemento do proxecto subvencionado, que conterá a seguinte documentación:»
Na páxina 32200, na base vixésimo primeira (último parágrafo), onde di: «Os gastos deberán corresponder ao período subvencionable, que comprende desde o día 1 de xaneiro de 2021 ata a data máxima de xustificación establecida na convocatoria, o 15 de agosto de 2021»; debe dicir: «Os gastos deberán corresponder ao período subvencionable, que comprende desde o día 1 de xaneiro de 2021 ata a data máxima de xustificación establecida na convocatoria, o 15 de agosto de 2022».