O Servizo Galego de Saúde, como órgano de contratación, en virtude do convenio subscrito o 17 de decembro de 2020 entre o Ministerio de Ciencia e Innovación e o Servizo Galego de Saúde, relativo á liña de fomento de innovación desde a demanda para a compra pública de innovación (liña FID-CPI), vista a documentación do expediente do proxecto Sanidade Servizo de Microbioloxía 4.0-Saúde 4.0 (en adiante, Innova Microlab),
RESOLVE:
Primeiro. Aprobar o documento de convocatoria á consulta preliminar do mercado no marco do proxecto Innova Microlab, que establece as condicións que deben rexer na participación neste procedemento.
Segundo. Dispor a apertura da consulta preliminar do mercado no marco do proxecto Innova Microlab.
Terceiro. Ordenar a publicación desta resolución no perfil de contratante do Servizo Galego de Saúde.
A Coruña, 25 de xuño de 2021
Luis Verde Remeseiro
Xerente da Área Sanitaria da Coruña e Cee