Como consecuencia da entrada en vigor da Lei 7/2012, do 28 de xuño, de montes de Galicia, e coa finalidade de levar a cabo o establecido na disposición transitoria décimo terceira con respecto á revisión de esbozos de montes veciñais en man común, o xurado, na reunión celebrada o 17.9.2012, acordou solicitar ao Servizo de Montes a realización de propostas de revisión e elaboración de cartografías actualizadas dos montes veciñais da provincia, susceptibles de tal adecuación.
En relación con isto, na sesión celebrada polo xurado provincial o día 2.6.2021, figura o seguinte acordo:
– Monte Mudia en Bozo (expediente 40/78), pertencente aos veciños da parroquia de Loboso, no concello da Pastoriza.
O 18.1.2021 tivo entrada un informe (2019_53) elaborado polo Distrito Forestal X-Terra Chá, para que se proceda á revisión parcial do esbozo do monte, co obxecto de actualizar a superficie clasificada e parte dos seus límites á realidade do monte, segundo os límites catastrais. De conformidade coa nova cartografía, o monte Mudia en Bozo pasa a ter 147,65 hectáreas.
Examinada a devandita proposta, o xurado, por unanimidade, acorda aceptala e proceder á incorporación do novo esbozo ao expediente.
O esbozo revisado correspóndese co plano do anexo, ao final deste anuncio.
Contra estes acordos, desde o día seguinte ao da súa publicación no Diario Oficial de Galicia, poderá interpoñerse recurso potestativo de reposición ante o Xurado Provincial de Montes Veciñais en Man Común de Lugo no prazo dun mes, ou ben directamente recurso contencioso-administrativo ante o Xulgado do Contencioso-Administrativo de Lugo no prazo de dous meses, de acordo co disposto nos artigos 123 e 124 da Lei 39/2015, do 1 de outubro, do procedemento administrativo común das administracións públicas, e co artigo 46 da Lei 29/1998, do 13 de xullo, da xurisdición contencioso-administrativa.
Lugo, 17 de xuño de 2021
María Olga Iglesias Fontal
Presidenta do Xurado Provincial de Clasificación de
Montes Veciñais en Man Común de Lugo
