A instalación denominada Recuamento LMT TUI803 na Bouza Valada, nos concellos de Tui e Tomiño, foi declarada de utilidade pública mediante a Resolución do 12 de febreiro de 2021, da Xefatura Territorial de Pontevedra, o que leva implícita a urxente ocupación dos bens e dereitos afectados, coa condición de beneficiaria da empresa UFD Distribución Electricidad, S.A.
Segundo o disposto no artigo 52 da Lei de expropiación forzosa e no artigo 56.1 da Lei 24/2013, do 26 de decembro, do sector eléctrico, comunícase que o día 21 de setembro de 2021, a partir das 11.00 horas no Concello de Tui e a partir das 12.00 horas no Concello de Tomiño, terá lugar sobre o terreo o levantamento das actas previas á ocupación dos bens e dereitos contidos na relación de predios que se expón xunto con esta resolución e nos taboleiros de edictos dos concellos de Tui e Tomiño.
Os interesados recibirán unha notificación individual coa debida antelación legal, na cal se lles comunicarán a data e a hora en que se deberán presentar nos seus predios e serán informadas de que poderán ir acompañadas por un perito ou un notario, pola súa conta, se así o consideran conveniente.
Cando as persoas propietarias ou titulares de dereitos sobre os predios afectados sexan descoñecidas ou se ignore o lugar de notificación, dirixiranse ao Ministerio Fiscal as dilixencias que se produzan destas, de conformidade co artigo 5 da Lei de expropiación forzosa. Neste caso, igualmente, de acordo co artigo 44 da Lei 39/2015, do 1 de outubro, do procedemento administrativo común das administracións públicas, publicarase un anuncio no taboleiro de edictos único (TEU) do Boletín Oficial del Estado.
Vigo, 9 de xuño de 2021
O xefe territorial de Pontevedra
P.A. (Artigo 36.3 en relación co 37.1 do Decreto 230/2020, do 23 de decembro)
Eugenio Fernández Piñeiro
Xefe do Servizo de Administración Industrial
ANEXO
Recuamento LMT TUI803 na Bouza Valada |
|||||||
Nº |
Referencia catastral |
Lugar |
Cultivo |
Nome e apelidos |
Nº apoio |
m2 solo |
Concello |
1 |
36055A078003680000UY |
A Bouza Valada |
Agrario |
Descoñecido |
1 |
13,69 |
Tui |
2 |
36055A037008590000B |
A Bouza Valada |
Agrario |
Descoñecido |
2 |
11,65 |
Tomiño |