O Decreto 25/2001, do 18 de xaneiro, polo que se regula a organización e o funcionamento do Consello Galego de Cooperativas, en desenvolvemento das previsións contidas na súa norma de creación, a Lei 5/1998, do 18 de decembro, de cooperativas de Galicia, regula no seu artigo 4 a composición do Consello; no artigo 5, o procedemento de nomeamento e cesamento dos seus membros, e no artigo 6, a duración do mandato e substitucións.
Os actuais membros do Consello Galego de Cooperativas foron nomeados pola Orde do 16 de outubro de 2017 pola que se procede ao nomeamento de membros do Consello Galego de Cooperativas, e polas ordes do 27 de xuño de 2018, do 4 de setembro de 2018, do 7 de novembro de 2019, do 2 de marzo de 2020 e do 16 de novembro de 2020 polas que se procede ao cesamento e nomeamento de membros do Consello Galego de Cooperativas.
Os cambios de adscrición producidos na Consellería de Emprego e Igualdade fan necesario substituír a persoa suplente representante da dita consellería e a persoa titular da secretaría do Consello.
En consecuencia, en virtude das facultades que me confire o artigo 38 da Lei 1/1983, do 22 de febreiro, reguladora da Xunta de Galicia e da súa Presidencia, e o artigo 5 do Decreto 25/2001, do 18 de xaneiro, polo que se regulan a organización e o funcionamento do Consello Galego de Cooperativas,
RESOLVO:
Primeiro
Que cese Alba Paz Boubeta como vogal suplente en representación da Consellería de Emprego e Igualdade e José Luis Trincado Álvarez como secretario do Consello Galego de Cooperativas.
Segundo
Nomear a Susana Touza Figueiras, na súa condición de subdirectora xeral de Economía Social, como vogal suplente en representación da Consellería de Emprego e Igualdade e a Modesto Rivas Fidalgo, na súa condición de xefe do servizo de Promoción da Economía Social, como secretario do Consello Galego de Cooperativas.
Contra esta orde poderase interpor, potestativamente, recurso de reposición ante a conselleira de Emprego e Igualdade no prazo dun mes contado desde o día seguinte ao da súa publicación, de conformidade co establecido no artigo 123 da Lei 39/2015, do 1 de outubro, do procedemento administrativo común das administracións públicas, ou interpor directamente recurso contencioso-administrativo ante o Tribunal Superior de Xustiza de Galicia, no prazo de dous meses, contados desde o día seguinte ao da súa publicación, de conformidade co establecido no artigo 46 da Lei 29/1998, do 13 de xullo, reguladora da xurisdición contencioso-administrativa.
Santiago de Compostela, 3 de xuño de 2021
Mª Jesús Lorenzana Somoza
Conselleira de Emprego e Igualdade
