A instalación denominada Substitución apoio na LMTGON806 en Radio Faro, no concello de Vigo, foi declarada de utilidade pública mediante a Resolución do 26 de xaneiro de 2021, da Xefatura Territorial de Pontevedra, o que leva implícita a urxente ocupación dos bens e dereitos afectados, tendo a condición de beneficiaria a empresa UFD Distribución Electricidad, S.A.
Mediante a Resolución desta xefatura territorial, do 15 de abril de 2021, convocouse o levantamento das actas previas á ocupación para o día 25 de maio de 2021. O acto non tivo lugar por non comparecer o alcalde. Segundo o disposto no artigo 52 da Lei de expropiación forzosa e no artigo 56.1 da Lei 24/2013, do 26 de decembro, do sector eléctrico, e de acordo co artigo 57.1 do Decreto do 26 de abril de 1957, que aproba o Regulamento da Lei de expropiación forzosa, comunícase que o día 17 de xuño de 2021, a partir das 12.00 horas, terá lugar sobre o terreo o levantamento das actas previas á ocupación dos bens e dereitos contidos na relación de predios que se expón xunto con esta resolución e no taboleiro de edictos do Concello de Vigo.
Os interesados recibirán unha notificación individual coa debida antelación legal, na cal se lles comunicarán a data e a hora en que deberán presentarse nos seus predios e serán informados de que poderán ir acompañados por un perito ou un notario, pola súa conta, se así o consideran conveniente.
Cando as persoas propietarias ou titulares de dereitos sobre os predios afectados sexan descoñecidas ou se ignore o lugar de notificación, dirixiranse ao Ministerio Fiscal as dilixencias que se produzan destas, de conformidade co artigo 5 da Lei de expropiación forzosa. Neste caso, igualmente, de acordo co artigo 44 da Lei 39/2015, do 1 de outubro, do procedemento administrativo común das administracións públicas, publicarase un anuncio no taboleiro de edictos único (TEU) do Boletín Oficial del Estado (BOE).
Vigo, 26 de maio de 2021
O xefe territorial de Pontevedra
P.A. (Artigo 36.3 en relación co artigo 37.1
do Decreto 230/2020, do 23 de decembro)
Eugenio Fernández Piñeiro
Xefe do Servizo de Administración Industrial
ANEXO
Substitución apoio LMT GON806 en Radio Faro |
|||||||
Nº |
Referencia catastral |
Paraxe |
Cultivo |
Nome e apelidos |
Nº apoio |
m2 solo |
Concello |
1 |
54057A154000250000BB |
Treitas prado |
Agrario |
Descoñecido |
1 |
1,69 |
Vigo |