A Xunta de Goberno local da cidade de Santiago de Compostela, na sesión ordinaria que tivo lugar o día 7 de xuño de 2021, adoptou o seguinte acordo:
a) Aprobar inicialmente o estudo de detalle da parcela EQ-2 do parque empresarial da Sionlla, formulado de oficio polo Concello de Santiago e elaborado polos servizos técnicos de Planeamento en xuño de 2021.
b) En aplicación do procedemento regulado polos artigos 80.2 da LSG e 194 do seu regulamento, o estudo de detalle inicialmente aprobado someterase a información pública durante o prazo dun mes, mediante anuncios que para o efecto se publicarán no Diario Oficial de Galicia e nun xornal dos de maior circulación na provincia. Simultaneamente, practicarase notificación individual aos titulares catastrais das parcelas afectadas.
O que se publica a fin de que, durante o prazo dun mes, contado a partir do día seguinte ao da publicación deste anuncio, os interesados poidan consultar o expediente e formular as alegacións que xulguen oportunas. A documentación sometida a exposición pública estará ao dispor dos interesados no Servizo de Planeamento e Xestión do Concello de Santiago (Pazo de Raxoi, 2º andar), de luns a venres, das 9.00 ás 14.00 horas; e na páxina web do Concello https://transparencia.santiagodecompostela.gal/Estudo-de-detalle-da-parcela-EQ-2-do-Parque-empresarial-da-Sionlla/gl
As alegacións deberán presentalas, preferentemente, na sede do Concello de Santiago de Compostela na epígrafe Catálogo de trámites a través do trámite «Presentación de documentación e alegacións» e da opción «Achega libre». Deberá introducir o dato 2021/00024700X no campo «Código do expediente» e incorporar o documento das alegacións.
Tamén pode presentar, con cita previa, a documentación nos rexistros do Concello de Santiago ou por calquera outro medio establecido nas disposicións vixentes.
Santiago de Compostela, 7 de xuño de 2021
O alcalde
P.D. (DEC/4742/2019, do 17 de xuño de 2019)
Mercedes Rosón López
Concelleira delegada de Urbanismo, Vivenda e Cidade Histórica