A instalación denominada reforma LMTA LOZ803A en Salcedo, no concello de Pontevedra, foi declarada de utilidade pública mediante a Resolución do 8 de febreiro de 2021, da Xefatura Territorial de Pontevedra, o que leva implícita a urxente ocupación dos bens e dereitos afectados, tendo a condición de beneficiaria a empresa UFD Distribución Electricidad, S.A.
Segundo o disposto no artigo 52 da Lei de expropiación forzosa e no artigo 56.1 da Lei 24/2013, do 26 de decembro, do sector eléctrico, comunícase que o día 29 de xuño de 2021, a partir das 12.00 horas, terá lugar sobre o terreo o levantamento das actas previas á ocupación dos bens e dereitos contidos na relación de predios que se expón xunto con esta resolución e no taboleiro de edictos do Concello de Pontevedra.
Os interesados recibirán unha notificación individual coa debida antelación legal, en que se lles comunicará a data e a hora en que deberán presentarse nos seus predios, e que poderán ir acompañados por un perito ou un notario, pola súa conta, se así o consideran conveniente.
Cando as persoas propietarias ou titulares de dereitos sobre os predios afectados sexan descoñecidas ou se ignore o lugar de notificación, dirixiranse ao Ministerio Fiscal as dilixencias que se produzan destas, de conformidade co artigo 5 da Lei de expropiación forzosa. Neste caso, igualmente, de acordo co artigo 44 da Lei 39/2015, do 1 de outubro, do procedemento administrativo común das administracións públicas, publicarase un anuncio no taboleiro de edictos único (TEU) do Boletín Oficial del Estado.
Vigo, 21 de maio de 2021
Tomás Nogueiras Nieto
Xefe territorial de Pontevedra
ANEXO
Reforma LMTA LOZ803A en Salcedo.
|
Nº |
Referencia catastral |
Lugar |
Cultivo |
Nome e apelidos |
Nº apoio |
m² solo |
Concello |
|
1 |
36900A059000810000QM |
Don Lopo |
Agrario |
Rosalía Campos Allede Carmen Campos Allede Francisco Campos Allede |
1 |
0,64 |
Pontevedra |
|
6 |
9857010NG2995N0001TY |
Cabanas |
Inculto |
Manuel Fernández Couso |
1 |
1,21 |
Pontevedra |
|
8 |
9857008NG2995N0001FY |
Cabanas |
Edificado |
María González Canda |
1 |
1,21 |
Pontevedra |
