De conformidade co disposto nos artigos 42.2 e 44 da Lei 39/2015, do 1 de outubro, do procedemento administrativo común das administracións públicas, emprázanse por medio do presente anuncio, publicado no Boletín Oficial del Estado (BOE), as persoas propietarias da zona de concentración parcelaria do Val-Meirás-Lago II (Narón-Valdoviño-A Coruña) que figuran no anexo, para seren notificadas por comparecencia dunha resolución que modifica o acordo de concentración parcelaria da dita zona que os afecta.

Así mesmo, este anuncio publicarase no Diario Oficial de Galicia (DOG), ben que a eficacia do acto notificado quedará supeditada á súa publicación no BOE.

As persoas interesadas poderán coñecer o contido íntegro do acto notificado mediante comparecencia nas dependencias desta xefatura territorial, sita na rúa Vicente Ferrer, nº 2, no Edificio Administrativo de Servizos Múltiples de Monelos, na Coruña, mediante cita previa chamando ao teléfono 981 18 46 43, das 9.00 ás 14.00 horas, de luns a venres.

A comparecencia deberase efectuar no prazo de dez (10) días, contados desde o seguinte ao da publicación deste anuncio no BOE.

Transcorrido o devandito prazo sen efectuarse a comparecencia, a notificación entenderase producida desde o día seguinte ao da publicación.

A Coruña, 20 de maio de 2021

José Manuel Santos Maneiro
Xefe territorial da Coruña

ANEXO

Persoa interesada	Acto notificado	Zona de concentración
A15733058	Resolución de modificación de acordo	OVal-Meirás-Lago II (Narón-Valdoviño-A Coruña)
52440359Z	Resolución de modificación de de acordo	O Val-Meirás-Lago II (Narón-Valdoviño-A Coruña)
32540646Q	Resolución de modificación de acordo	O Val-Meirás-Lago II (Narón-Valdoviño-A Coruña)
Hermida Iglesias, Concepción	Resolución de modificación de acordo	O Val-Meirás-Lago II (Narón-Valdoviño-A Coruña)