Para os efectos previstos na Lei 24/2013, do 26 de decembro, do sector eléctrico, e no título VII do Real decreto 1955/2000, do 1 de decembro, polo que se regulan as actividades de transporte, distribución, comercialización, subministración e procedementos de autorización de instalacións de enerxía eléctrica, sométese a información pública a petición de autorización administrativa e de declaración de utilidade pública, en concreto, e a urxente ocupación que leva implícita da instalación eléctrica que se describe:

Solicitante: UFD Distribución Electricidad, S.A.

Domicilio social: avenida San Luis, 77, 28033 Madrid.

Denominación: recuamento LMT TRO718 no lugar de Poulo.

Situación: Vigo.

Características técnicas: LMT aérea a 15 kV, con condutor LA-110, de 111 metros de lonxitude, con orixe no apoio existente A097MWK7//5 do tramo TRO7181929, e final no apoio proxectado C-9000/18, punto 1. LMT subterránea a 15 kV, con condutor RHZ1, de 409 metros de lonxitude, con orixe no paso aero-subterráneo (PAS) no apoio proxectado C-900/18, punto 1, e final no PAS no apoio proxectado C-900/18, punto 2. A instalación está situada no lugar de Poulo, municipio de Vigo.

A relación concreta e individualizada dos bens ou dereitos que se van expropiar figura no anexo.

Todas aquelas persoas ou entidades que se consideren afectadas poderán presentar as súas alegacións nesta xefatura territorial, avenida María Victoria Moreno, 43, 36003 Pontevedra, no prazo máximo de trinta días contado a partir da última publicación ou notificación individual.

O proxecto encóntrase á disposición do público para a súa consulta no portal da Vicepresidencia Segunda e Consellería de Economía, Empresa e Innovación (http://ceei.xunta.gal/transparencia/documentos-sometidos-a-informacion-publica) durante o prazo de trinta días hábiles, contados a partir do día seguinte ao da publicación deste anuncio no Diario Oficial de Galicia.

Durante o dito período calquera persoa poderá achegar, por escrito, os datos oportunos para rectificar posibles erros na relación de persoas, bens e dereitos afectados, así como formular as posibles alegacións por razón do disposto no artigo 145 do Real decreto 1955/2000 anteriormente citado.

Pontevedra, 12 de maio de 2021

Tomás Nogueiras Nieto
Xefe territorial de Pontevedra

ANEXO

Relación de bens e dereitos afectados

Predio 1. Municipio: Vigo; lugar: Paraixal de Arriba; titular: Flora Gómez Iglesias; afección: 19,43 m2 para o apoio 1 e 4 metros de liña aérea con 8,33 m2 de voo.

Predio 2. Municipio: Vigo; lugar: Fonte das Mozas; titular: José Bautista Pérez Guerrero e Rosa Docamiño Martínez; afección: 2,73 m2 para o apoio 1.

Predio 3. Municipio: Vigo; lugar: Fonte da Portela; referencia catastral: 54057A018000430000AZ; titular: descoñecido; afección: 17,43 m2 para o apoio 2 e 5 metros de liña aérea con 10,67 m2 de voo.

Predio 4. Municipio: Vigo; lugar: Dehesa; referencia catastral: 54057A018001800000AB; titular: descoñecido; afección: 4,73 m2 para o apoio 2.