Mediante a Resolución do 23 de febreiro de 2021, da Secretaría Xeral da Igualdade (DOG núm. 46, do 9 de marzo), establecéronse as bases reguladoras e convocáronse para o ano 2021 as subvencións a entidades de iniciativa social sen ánimo de lucro para programas dirixidos a mulleres en situación de especial vulnerabilidade.

Segundo o artigo 14.3 das bases reguladoras, por tratarse dun procedemento de concorrencia competitiva e de conformidade co previsto no artigo 45 da Lei 39/2015, do 1 de outubro, do procedemento administrativo común das administracións públicas, as resolucións destas subvencións serán obxecto de publicación no Diario Oficial de Galicia, a cal producirá os mesmos efectos da notificación.

Unha vez rematada a fase de instrución das solicitudes recibidas na Secretaría Xeral da Igualdade, avaliadas as solicitudes pola comisión de valoración prevista no artigo 12.2 das bases reguladoras, vista a proposta de resolución formulada polo órgano instrutor e tendo en conta as dispoñibilidades orzamentarias,

RESOLVO:

Primeiro. Conceder as subvencións para o desenvolvemento de programas dirixidos a mulleres en situación de especial vulnerabilidade que se indican no anexo I pola contía resultante logo da aplicación do establecido no artigo 5.8 das bases reguladoras, por un importe total de 1.388.004,17 euros, con cargo á aplicación orzamentaria que se indica a seguir:

Aplicación	Código proxecto	Importe
11.02.313B.481.2	2021 00062	1.388.004,17

Estas axudas son susceptibles de ser financiadas polo FSE no marco do programa operativo FSE Galicia 2021-2020.

Segundo. No anexo II relaciónanse as solicitudes que quedan na lista de espera segundo a orde de puntuación e que, de ser o caso, poderán ser atendidas a través do crédito que quede sen comprometer por producirse algunha renuncia, por modificación nos proxectos inicialmente presentados ou por un incremento do crédito orzamentario dispoñible destinado a estas subvencións. Para estes efectos, poderán realizarse sucesivas propostas de resolución.

Terceiro. Excluír as solicitudes que se relacionan no anexo III, con indicación da causa específica, por non cumpriren algún dos requisitos establecidos nas bases reguladoras.

Cuarto. De acordo co establecido no artigo 14.4 das bases reguladoras, unha vez notificada a resolución de concesión, a entidade beneficiaria deberá comunicar no prazo de dez (10) días a súa aceptación e comprometerse a executar o programa ou actuación subvencionada no prazo e nas condicións establecidas na convocatoria. No caso de non comunicar o dito aspecto no prazo indicado, entenderase tacitamente aceptada.

Quinto. Informar as entidades beneficiarias que, de ser o caso, a aceptación da subvención comunitaria implicará a súa aparición na lista pública de operacións cos nomes dos beneficiarios ou beneficiarias, no suposto de seren entidades xurídicas, así como da outra información recollida no anexo XII do Regulamento (UE) núm. 1303/2013, modificado polo Regulamento (UE, Euratom) núm. 2018/1046, en relación co artigo 115.2 da mesma norma xurídica.

Sexto. Segundo o artigo 3 das bases reguladoras, estas subvencións son incompatibles con calquera outra axuda pública para a mesma actuación ou actividade.

Sétimo. De conformidade co artigo 18.2 das bases reguladoras, realizarase un primeiro pagamento do 80 % da contía da subvención concedida, en concepto de pagamento anticipado, que se fará efectivo unha vez notificada a resolución de concesión. O 20 % restante, ou a parte que corresponda, librarase logo as entidades beneficiarias xustificaren o cumprimento da finalidade para a cal se concedeu a subvención e demais condicións exixidas na Resolución do 23 de febreiro de 2021.

Oitavo. A data límite de presentación da documentación xustificativa da realización do programa subvencionado, de acordo co artigo 17.1 das bases reguladoras, é o 11 de outubro de 2021.

As actuacións correspondentes aos programas subvencionados xustificaranse a través das modalidades de custos simplificados previstas nos artigos 67.1.b) e d), 67.5.d), 68.bis.2 e 68.ter do Regulamento (UE) 1303/2013, modificado polo Regulamento (UE, Euratom) 2018/1046, segundo módulo ou custo unitario por hora efectivamente traballada, calculado sobre o correspondente custo directo de persoal máis un 20 % en concepto de gastos directos e indirectos derivados do programa.

O período de referencia para o desenvolvemento do programa e para a imputación dos gastos subvencionables é o comprendido entre o 1 de outubro de 2020 e o 30 de setembro de 2021, ambos incluídos.

Noveno. As entidades beneficiarias deberán cumprir, en todo caso, cos requisitos e obrigas exixidas nos artigos 10 e 11 da Lei 9/2007, do 13 de xuño, de subvencións de Galicia, así como coas condicións e obrigas establecidas no artigo 19 das bases reguladoras e demais que resulten exixibles segundo a normativa de aplicación e, en particular, as seguintes:

– Destinar os fondos percibidos ao obxecto concreto para o cal foron concedidos, executar e acreditar a realización do programa, actuacións e actividades que fundamenta a concesión da subvención dentro do período e prazos establecidos na Resolución do 23 de febreiro de 2021, así como o cumprimento dos requisitos, condicións e obrigas que resultan da normativa de aplicación.

– Manter unha pista de auditoría suficiente, dispoñer dos libros contables, rexistros dilixenciados e demais documentos debidamente auditados nos termos exixidos pola lexislación mercantil e sectorial aplicable ao beneficiario en cada caso, e manter de forma separada na contabilidade os ingresos da axuda percibida e conservar toda a documentación relativa á subvención durante, polo menos, un período de dous anos, a partir do 31 de decembro seguinte á presentación das contas en que estean incluídos os gastos da operación ante a Comisión Europea, de conformidade co artigo 140.1 do Regulamento (UE) núm. 1303/2013, en canto poidan ser obxecto das actuacións de comprobación e control. Se for o caso, o comezo deste prazo será oportunamente comunicado polo organismo intermedio do programa operativo FSE Galicia 2014-2020 (actualmente, a Dirección Xeral de Política Financeira, Tesouro e Fondos Europeos).

– Dar cumprimento á obriga de dar adecuada publicidade do carácter público do financiamento en todas as actuacións que deriven da execución do proxecto, en cumprimento do artigo 15.3 da Lei 9/2007, de subvencións de Galicia, e, de ser o caso, no anexo XII do Regulamento (UE) núm. 1303/2013, do Parlamento Europeo e do Consello, modificado polo Regulamento (UE, Euratom) núm. 2018/1046. Así, en todo tipo de publicidade e información relativos á actuación e actividades subvencionadas terá que constar a condición de subvencionada pola Secretaría Xeral da Igualdade e, se for o caso, polo programa operativo FSE Galicia 2014-2020.

De ser o caso, os espazos de atención ás usuarias e nas comunicacións contarán co emblema da Unión Europea coa referencia ao Fondo Social Europeo; e nos lugares de realización da actuación informarase do apoio dos fondos a través dun cartel dun tamaño mínimo A3 nun lugar destacado e visible. Tamén se informará na páxina web, no caso de dispoñer dela, sobre o proxecto e a axuda financeira recibida da Unión Europea e sobre os obxectivos e resultados da operación financiada.

Na páxina web da Secretaría Xeral da Igualdade está dispoñible a información, os emblemas da Unión Europea e do órgano concedente, así como un modelo coas características do cartel, emblemas e contido de obrigada inclusión.

– Informar as persoas destinatarias de que as actuacións en que participan están financiadas pola Xunta de Galicia (Secretaría Xeral da Igualdade) e, de ser o caso, polo programa operativo FSE Galicia 2014-2020, así como dos obxectivos dos fondos. Os emblemas deberán figurar, como mínimo, en todo o material e nos documentos que se utilicen ou entreguen ás usuarias ou participantes.

– Se for o caso, adecuar a metodoloxía de recollida e proceso de datos de seguimento e de acreditación da realización da actividade de persoas beneficiarias ás fórmulas requiridas a través da aplicación Participa 1420, realizando as actuacións precisas para recoller a información suficiente relativa ao desenvolvemento das actuacións que permita dar cumprimento aos requisitos de información a través de indicadores de produtividade e resultado enumerados no artigo 5 do Regulamento (UE) núm. 1304/2013 do Parlamento Europeo e do Consello, do 17 de decembro, relativo ao FSE. Neste senso, na súa cobertura deberá respectarse o principio de integridade dos datos.

Os datos dos indicadores de produtividade relativos ás entidades e ás persoas participantes referiranse á situación previa á súa participación no programa dentro do período subvencionable, mentres que os indicadores de resultado inmediato deberán referirse á situación dentro das catro semanas seguintes á finalización da súa participación nese período. Así mesmo, a Administración poderá requirir a actualización destes datos no prazo de seis meses desde que finalice esta actividade, coa finalidade de formalizar os indicadores de resultado a longo prazo descritos no antedito regulamento. Para estes efectos, facilitarase ás entidades beneficiarias o acceso á aplicación Participa 1420. Os datos dos indicadores recolleranse nos modelos dispoñibles na aplicación Participa 1420.

Para dar cumprimento a estes requisitos de información, as entidades beneficiarias deberán introducir os datos do perfil cos indicadores de produtividade e de resultado das persoas participantes na aplicación Participa 1420. Así mesmo, as entidades beneficiarias deberán custodiar a ficha individualizada de seguimento e os cuestionarios de indicadores de produtividade e de resultado inmediato de cada unha das persoas participantes, asinada pola participante, segundo os modelos dispoñibles na páxina web da Secretaría Xeral da Igualdade e na aplicación Participa 1420.

– Comunicar ao órgano concedente calquera modificación das condicións tidas en conta para a concesión da subvención, así como dos compromisos e obrigas asumidas polas entidades beneficiarias e, de ser o caso, a obtención concorrente de subvencións ou axudas para a mesma finalidade procedentes de calquera Administración ou ente público nacional ou internacional.

– Facilitar toda a información requirida pola Secretaría Xeral da Igualdade e, de ser o caso, polos órganos verificadores que se establezan en aplicación dos artigos 72, 73 e 74 do Regulamento (UE) núm. 1303/2013 do Parlamento Europeo e do Consello, do 17 de decembro, así como pola Intervención Xeral da Comunidade Autónoma, o Tribunal de Contas, o Consello de Contas e outros órganos de control impostos pola normativa comunitaria no exercicio das súas funcións de fiscalización e control.

– Someterse ás actuacións de comprobación que poida efectuar a Secretaría Xeral da Igualdade, así como a calquera outra actuación de control que poidan realizar os órganos competentes, tanto autonómicos como estatais ou comunitarios, para o cal se achegará canta información lle sexa requirida no exercicio das actuacións anteriores. En especial, por tratarse de axudas susceptibles de ser financiadas polo programa operativo FSE Galicia 2014-2020, a entidade beneficiaria quedará sometida, se for o caso, ás verificacións que poidan realizar os organismos implicados na xestión e seguimento do FSE, que incluirán as oportunas visitas sobre o terreo.

No artigo 21 das bases reguladoras establécense os criterios de graduación dos posibles incumprimentos para determinar a cantidade que se minorará ou reintegrará.

Décimo. Esta resolución esgota a vía administrativa e contra ela poderá interpoñerse recurso potestativo de reposición ante a secretaria xeral da Igualdade, no prazo dun mes, contado desde o día seguinte ao desta publicación, de conformidade co establecido nos artigos 112, 123 e 124 da Lei 39/2015, do 1 de outubro, do procedemento administrativo común das administracións públicas, ou ben directamente recurso contencioso-administrativo ante o Tribunal Superior de Xustiza de Galicia, no prazo de dous meses contados a partir do día seguinte ao desta publicación, de acordo co establecido nos artigos 10 e 46 da Lei 29/1998, do 13 de xullo, reguladora da xurisdición contencioso-administrativa.

Disposición derradeira

Esta resolución entrará en vigor o día seguinte ao da súa publicación no Diario Oficial de Galicia.

Santiago de Compostela, 24 de maio de 2021

Susana López Abella
Secretaria xeral da Igualdade

ANEXO I

Concesións

Nº expte.	Entidade (por nº expte.)	NIF	Denominación do programa	Nº total de horas imputadas ao programa	Importe total gasto subvencionable	Nº mínimo usuarias	Nº mínimo usuarias con atención continuada	Puntos	Tramo	Importe concesión
SI427A 2021/02	Asociación Participacción	G32477127	Abrindo cancelas con flores	676	14.942,30	16	10	79	80,00 %	11.953,84
SI427A 2021/03	Asociación Labregas	G15945686	Sensibilización e prevención social e dinamización comunitaria	3.220	63.369,60	75	45	64	60,00 %	38.021,76
SI427A 2021/04	Asociación Punto Delas-Secretaría das Mulleres	G70370119	Punto Delas	3.320	65.337,60	77	46	77	80,00 %	40.000,00
SI427A 2021/05	Asociación Penitenciaria Concepción Arenal	G27119809	Atención integral a mulleres en situación pre-intra e post-penitenciaria e familiares afectados/as	1.720	38.018,88	40	24	88	90,00 %	34.216,99
SI427A 2021/06	Down Pontevedra «Xuntos», Asociación Síndrome de Down	G36164887	Programa de empoderamento de mulleres no colectivo da Síndrome de Down-discapacidade intelectual	1.290	25.387,20	30	18	61	60,00 %	15.232,32
SI427A 2021/07	Asociación de Axuda ao Enfermo Mental A Mariña	G27262799	Coidando de min V	645	14.257,08	15	9	70	70,00 %	9.979,96
SI427A 2021/08	Asociación Nós Mesmas	G27718907	Servizo de orientación, formación e asesoramento social, psicolóxico e laboral a mulleres LBT	1.706	37.709,42	40	24	63	60,00 %	22.625,65
SI427A 2021/09	Saúde Mental Feafes Galicia	G15545353	Atención integral a mulleres con problemas de saúde mental en situación de vulnerabilidade	1.855	36.603,36	43	26	70	70,00 %	25.622,35
SI427A 2021/10	Asociación Integrados	G15973357	Servizo de formación e integración para mulleres con discapacidade 2021	1.075	18.999,12	25	15	74	70,00 %	13.299,38
SI427A 2021/11	Asociación Íntegro das Persoas con Diversidade Funcional da Costa da Morte	G15173263	PIMD rural	1.010	22.325,04	23	14	70	70,00 %	15.627,53
SI427A 2021/12	ONG Mestura	G15940414	Neneiras	1.838	40.009,03	43	26	96	100,00 %	40.000,00
SI427A 2021/14	Asociación Síndrome de Down Teima de Ferrol	G15458060	«A TEIMA EN FEMININO»: Apoio na etapa adulta ás mulleres coa síndrome de Down e discapacidade intelectual	731	15.169,03	17	10	66	70,00 %	10.618,32
SI427A 2021/15	Aliad Ultreia	G27021120	Programa Senlleiras	1.809:30	39.997,19	42	25	90	90,00 %	35.997,47
SI427A 2021/16	Unión General de Trabajadores de Galicia (UGT Galicia)	G15383011	Servizo de atención a mulleres (S.A.M.)	1.300	28.735,20	30	18	68	70,00 %	20.114,64
SI427A 2021/17	Federación Provincial de Mulleres Rurais de Ourense-FEMURO	G32237869	Tecendo oportunidades	1.243	27.475,27	29	17	80	80,00 %	21.980,22
SI427A 2021/18	Asociación Mujeres en Igualdad Burela (BUMEI)	G27441153	PRIAPE para mulleres en situación de vulnerabilidade. Muller: o teu traballo, a túa liberdade	1.928	38.657,18	45	27	81	80,00 %	30.925,74
SI427A 2021/19	Down Ourense	G32311870	Programa de atención integral dirixida a mulleres con discapacidade intelectual e síndrome de Down en particular, para favorecer a súa inclusión no contorno	817:10	16.713,43	19	11	61	60,00 %	10.028,06
SI427A 2021/21	Asociación Redmadre Coruña	G70180229	Briana	1.706	37.709,42	40	24	80	80,00 %	30.167,54
SI427A 2021/25	Fundación Érguete-Integración	G36861078	Proxecto E.V.A. (emprego-visibilidade-autonomía)	1.720	37.521,96	40	24	79	80,00 %	30.017,57
SI427A 2021/26	Asociación de Viudas María Andrea	G32014334	Apoiando na soidade	1.300	28.735,20	30	18	66	70,00 %	20.114,64
SI427A 2021/27	Asociación de Coaching para el Desarrollo Social y Comunitario, Daleth	G70480595	Programa Daleth 2020/2021 para mulleres en situación de especial vulnerabilidade: Bolboretas 5.0	1.818	40.003,27	42	25	88	90,00 %	36.002,94
SI427A 2021/29	Agrupación Miño Asociacións Veciñais do Rural e Periferia de Ourense	G32408023	Rede veciñal de mulleres	1.100	24.314,40	26	16	77	80,00 %	19.451,52
SI427A 2021/30	Congregación Siervas de la Pasión	R0800086A	Atención psicosocial a mulleres xestantes e/ou con nenos/as menores de dous anos	1.834	37.794,77	16	16	66	70,00 %	26.456,34
SI427A 2021/31	ADICAM. Asociación de diagnosticadas de cancro de mama e xinecolóxico	G36380301	Forza rapazas. Programa de empoderamento para mulleres en situación de vulnerabilidade	1.426	31.520,30	33	20	86	90,00 %	26.266,92
SI427A 2021/32	Cáritas Diocesana Tui-Vigo	R3600368I	Agarimo VI	2.060	45.534,24	48	29	80	80,00 %	36.427,39
SI427A 2021/33	Federación de Asociacións de Mulleres Rurais de Galicia, FADEMUR-Galicia	G70101647	Servizo integral para mulleres do rural en situación de vulnerabilidade	1.875	40.070,59	44	26	80	80,00 %	32.056,47
SI427A 2021/34	Asociación para o desenvolvemento social da Comarca do Deza	G36527745	Ollando cara ao futuro	544	12.024,58	13	8	66	70,00 %	8.417,21
SI427A 2021/35	Alume Saúde Mental	G27198977	Programa pluriasistencial de apoio e rehabilitación con aloxamento para mulleres en situación de especial vulnerabilidade	1.720	36.874,66	15	15	71	70,00 %	25.812,26
SI427A 2021/36	Fundación Ronsel	G15752660	Zulia, empoderamento da muller venezolana a través do emprendemento e a creación de redes	650	12.792,00	15	9	71	70,00 %	8.954,40
SI427A 2021/38	Asociación Patronato Concepción Arenal	G15030372	Programa de mediación intercultural para mulleres Concepción Arenal	4.285	82.538,39	37	37	88	90,00 %	40.000,00
SI427A 2021/39	Down Vigo: Asociación para Síndrome de Down	G36697324	Recursos integrais de atención personalizada e grupal de mulleres con Síndrome de Down e discapacidade intelectual	1.720	38.018,88	40	24	66	70,00 %	26.613,22
SI427A 2021/42	Auxilia Delegación Lugo	G08317059	Diversas pero iguais VI	400	8.841,60	9	5	83	80,00 %	7.073,28
SI427A 2021/43	Asociación de Ayuda a la Vida	G36802536	Ti podes	1.414	27.827,52	33	20	85	90,00 %	25.044,77
SI427A 2021/46	AFAGA Alzheimer	G36776920	Programa de atención integral a mulleres coidadoras de persoas con demencia	1.890	41.776,56	44	26	71	70,00 %	29.243,59
SI427A 2021/47	Asociación de Mulleres Algueirada	G32354227	Servizo de atención a mulleres anciás que viven soas ou con persoas dependentes ao seu cargo	1.118	22.016,78	26	16	71	70,00 %	15.411,75
SI427A 2021/48	APETAMCOR	G32026056	Programa Verea	430	9.504,72	10	6	71	70,00 %	6.653,30
SI427A 2021/49	Asociación de Mulleres Anel	G32207516	Servizo de atención ás mulleres maiores que viven soas ou con persoas dependentes ao seu cargo	1.495	29.421,60	35	21	61	60,00 %	17.652,96
SI427A 2021/52	Confederación Galega de Persoas con Discapacidade-COGAMI	G32115941	Servizo de atención especializada á muller con discapacidade	2.588	57.205,15	60	36	73	70,00 %	40.000,00
SI427A 2021/53	Asociación Redmadre Ourense	G32394082	Nais e fillos/as	1.376:36	24.949,94	32	19	85	90,00 %	22.454,95
SI427A 2021/54	Asociación Visibles	G70601570	Programa crece (para a integración sociolaboral das mulleres de Ponteceso, Malpica e Cabana de Bergantiños)	965	18.788,40	22	13	69	70,00 %	13.151,88
SI427A 2021/56	Asociación Redmadre Pontevedra	G27707686	Nais e fill@s	1.380	26.952,48	32	19	85	90,00 %	24.257,23
SI427A 2021/57	Federación de Asociacións de Persoas Xordas de Galicia (FAXPG)	G15068091	Recursos especializados para mulleres xordas	755	16.688,52	18	11	68	70,00 %	11.681,96
SI427A 2021/58	Andaina Pro Saúde Mental	G70264999	Atención integral para a prevención e a promoción da autonomía das mulleres no rural con trastorno mental	928	20.512,51	22	13	79	80,00 %	16.410,01
SI427A 2021/60	Asociación pola Igualdade e a Coeducación (APICO)	G94088549	Programa APICO 2020/2021: plan de loita, información e apoio integral para as vítimas de violencia de xénero	1.290	26.590,68	30	18	66	70,00 %	18.613,48
SI427A 2021/62	Asociación de Mulleres Arandeira	G32261679	Programa de empoderamento e atención integral das mulleres do rural	1.500	29.544,24	35	21	71	70,00 %	20.680,97
SI427A 2021/64	Asociación Érguete	G36642726	Intervención dende unha perspectiva de xénero con mulleres reclusas ou exreclusas «Mírate»	1.720	38.018,88	40	24	75	80,00 %	30.415,10
SI427A 2021/65	Valoresc Innovation	G70377585	A tribo de Malala. Un espazo de axuda e crecemento, con propósito e acción para mulleres vulnerables	2.240	45.834,55	52	31	62	60,00 %	27.500,73
SI427A 2021/66	Asociación Antonio Noche	G15210388	Confeccionando o teu futuro	2.100	41.239,80	49	29	86	90,00 %	37.115,82
SI427A 2021/67	ACADAR. Asociación de Mulleres con Discapacidade de Galicia	G70223417	Programa Enrédate 3ª edición	1.173	25.927,99	27	16	75	80,00 %	20.742,39
SI427A 2021/68	Asociación Veciñal As Termas	G32334989	Espazo veciñal de apoio integral ás mulleres	518	11.449,87	12	7	66	70,00 %	8.014,91
SI427A 2021/70	Asociación Raíña Paraíso	G70461009	ECOelas rural	1.690	34.174,62	39	23	65	70,00 %	23.922,23
SI427A 2021/71	Asociación Faraxa pola Abolición da Prostitución	G27728658	Proxecto «Importas 3»: atención a persoas en situación de especial vulnerabilidade social	691	13.730,36	16	10	62	60,00 %	8.238,22
SI427A 2021/72	Federación EFA Galicia	G15299357	Mulleres con proxecto-Exforma (experiencias e formación)	360	7.957,44	8	5	68	70,00 %	5.570,21
SI427A 2021/74	ONGD Senvalos	G70610282	Programa VALÍA	1.676	37.046,30	39	23	76	80,00 %	29.637,04
SI427A 2021/75	Asociación Mirabal	G70312954	Programa Mimosa 2020/2021	910	18.942,72	21	13	82	80,00 %	15.154,18
SI427A 2021/76	Ayuda y Atención al Preso	G15414667	Programa Silvia	1.970	40.684,32	46	28	80	80,00 %	32.547,46
SI427A 2021/77	Asociación Ambar das Persoas con Diversidade Funcional	G15052434	OIGO. Programa integral de empoderamento e autoxestión para mulleres	915	17.249,76	21	13	62	60,00 %	10.349,86
SI427A 2021/78	Asociación Xarela Formación-Animación	G32261307	Valor-es, programa dirixido a mulleres en especial vulnerabilidade	864	19.097,86	20	12	89	90,00 %	17.188,07
SI427A 2021/79	ONGD Ecos do Sur	G15354483	Apoio a nais	1.915	42.074,64	45	27	87	90,00 %	37.867,18
SI427A 2021/82	Fundación Impulsa para el Desarrollo del Empleo y la Integración Social	G27866763	Gaia II	1.384	30.591,94	32	19	64	60,00 %	18.355,16
SI427A 2021/84	Asociación de Mulleres en Igualdade de Vigo	G27712306	Violencia de xénero, unha realidade oculta	1.760	37.836,48	41	25	88	90,00 %	34.052,83

ANEXO II

Lista de espera

Nº expte.	Entidade (por orde puntuación)	NIF	Denominación do programa	Puntos
SI427A 2021/23	Asociación Diversidades	G27783950	Donas da cidade 2021	59
SI427A 2021/24	Asociación de Movilidad Humana para la Colaboración al Desarrollo	G70464334	Centro de empoderamento de mulleres migrantes empregadas do fogar e os coidados (CEMMECC)	58
SI427A 2021/41	Asociación Escola Rural de Saúde da Limia	G32426025	Mulleres do rural en crecemento	58
SI427A 2021/59	Asociación Síndrome de Down de Lugo (Down Lugo)	G27202043	Programa de empoderamento para mulleres en situación de especial vulnerabilidade de Down Lugo	56
SI427A 2021/63	Fundación Amigos de Galicia	G15859911	Em-podérate 21	56
SI427A 2021/69	Asociación Dignidad Galicia	G15500853	Acompaña, en femenino	56
SI427A 2021/73	Asociación Albores Saúde Mental	G27252279	Iguais en saúde mental	56
SI427A 2021/80	Cruz Roja Española	Q2866001G	Primeira infancia: apoio a crianza de 0 a 3 anos	56
SI427A 2021/44	Rede de mulleres contra os malos tratos de Vigo	G36928646	Xuntas	54
SI427A 2021/61	Acción Familiar Ferrol	G15745466	Reinvéntate-programa de apoio integral a mulleres en situación de especial vulnerabilidade	53
SI427A 2021/13	Asociación Saúde Mental A Creba	G15476310	Apoio integral a mulleres en situación de especial vulnerabilidade procedentes do medio rural	52
SI427A 2021/20	Cáritas Diocesana de Ourense	R3200098F	Apoia a vivenda 2021	50
SI427A 2021/22	Asociación Cultural Vive Vilariño	G32504508	Un camiño de igualdade	49
SI427A 2021/37	ASPNAIS	G27018365	Programa de igualdade para as mulleres con discapacidade intelectual de ASPNAIS	47
SI427A 2021/40	Fundación Amigó	G81454969	Proxecto acompañando	43
SI427A 2021/45	Fundación Formavigo	G27753367	Traballo cualificado para mulleres en especial vulnerabilidade no sector do metal	42
SI427A 2021/81	Asociación Española Contra el Cáncer	G28197564	Atención especializada a mulleres con cancro	42
SI427A 2021/28	Cáritas Diocesana de Santiago de Compostela	R1500053B	Programa materno-infantil	41
SI427A 2021/55	Fundación Diagrama Intervención Psicosocial	G73038457	Programa de atención integral para a empregabilidade de mulleres vítimas de violencia de xénero	39

ANEXO III

Solicitudes denegadas

Nº expte.	Entidade	NIF	Denominación do programa	Causa
SI427A 2021/01	Asociación O Son do Pobo	G94017704	Proxecto de apoio, asesoramento, formación e integración laboral de mulleres desfavorecidas en risco	Artigo 4.1.a) das bases reguladoras: non está inscrita na área de igualdade do Rexistro Único de Entidades Prestadoras de Servizos Sociais (RUEPSS).
SI427A 2021/50	Asociación de familiares de enfermos de Alzheimer de Chantada	G27320225	Gabinete de apoio á muller coidadora	Artigo 4.1.a) das bases reguladoras: non está inscrita na área de igualdade do Rexistro Único de Entidades Prestadoras de Servizos Sociais (RUEPSS).
SI427A 2021/51	Asociación Valores Galicia	G01980895	Alternativas de convivencia para mulleres vítimas de violencia de xénero	Puntos 1.a) e 3 do artigo 4 das bases reguladoras: a inscrición na área de igualdade do Rexistro Único de Entidades Prestadoras de Servizos Sociais (RUEPSS) é posterior á data de finalización do prazo de presentación de solicitudes.
SI427A 2021/83	Asociación de Maiores de Ponteareas	G36341113	Camiños por descubrir	Puntos 1.a) e 3 do artigo 4 das bases reguladoras: á data de finalización do prazo de presentación de solicitudes a entidade non está inscrita na área de igualdade do Rexistro Único de Entidades Prestadoras de Servizos Sociais (RUEPSS).