Con data do 31 de marzo de 2021, publícase no Diario Oficial de Galicia número 61, a Orde do 17 de marzo de 2021 pola que se regulan as bases das subvencións para entidades de acción voluntaria e entidades locais enmarcadas no programa Voluntariado sénior, e se procede á súa convocatoria para o ano 2021 (código de procedemento BS508C).

O artigo 7 da orde de convocatoria establece o prazo e a forma de presentación das solicitudes. O prazo de presentación de solicitudes sinalado no citado artigo é dun mes, contado a partir do día seguinte ao da publicación da orde no Diario Oficial de Galicia.

Así mesmo, no artigo 8 da orde determínase a documentación complementaria necesaria para a tramitación do procedemento.

Unha vez revisadas as solicitudes presentadas ao abeiro da dita orde de convocatoria polo órgano encargado da instrución, identificáronse aquelas que non reúnen a documentación necesaria, ben por non tela presentado, ben por conter erros ou por non ser suficiente para a determinación do cumprimento dos requisitos exixidos para a súa posterior remisión á comisión encargada da súa valoración.

O artigo 9 da dita orde establece, de conformidade co previsto no artigo 68 da Lei 39/2015, do 1 de outubro, do procedemento administrativo común das administracións públicas, que se na solicitude se aprecian defectos ou falta de documentación, o órgano instrutor requirirá á entidade solicitante para que, nun prazo de dez (10) días, emende a falta ou achegue os documentos preceptivos, con indicación de que, se así non o fixer, se considerará que desiste da súa petición, logo de resolución, que deberá ser ditada nos termos previstos no artigo 21 da referida lei.

Así mesmo, o artigo 15 da orde de convocatoria establece que se publicarán no Diario Oficial de Galicia, de conformidade co previsto no artigo 45 da Lei 39/2015, do 1 de outubro, os actos administrativos e as correspondentes resolucións deste procedemento e que esta publicación producirá os efectos de notificación.

Por todo o exposto,

RESOLVO:

1. Ordenar a publicación no Diario Oficial de Galicia da relación de solicitudes que non están debidamente cubertas e/ou non achegan a documentación preceptiva exixida segundo o establecido nas bases reguladoras. Esta relación figura como anexo desta resolución.

2. Facer indicación expresa a todas as entidades solicitantes recollidas no anexo de que son requiridas para que, no prazo de dez (10) días, contado a partir do día seguinte ao da publicación desta resolución no Diario Oficial de Galicia, emenden a falta ou acheguen os documentos preceptivos conforme se establece na orde de convocatoria. De non o facer, daranse por desistidas na súa petición, logo de resolución, que será ditada nos termos previstos no artigo 21 da Lei 39/2015, do 1 de outubro, do procedemento administrativo común das administracións públicas.

3. En caso de dúbida, dificultades técnicas ou necesidade de máis información durante o proceso de emenda da documentación das solicitudes, poderán dirixirse á Consellería de Política Social a través dos teléfonos 981 95 79 20 ou 881 99 65 30.

Santiago de Compostela, 18 de maio de 2021

Cristina Pichel Toimil
Directora xeral de Xuventude, Participación e Voluntariado

ANEXO

Entidades de acción voluntaria e entidades locais enmarcadas
no programa Voluntariado sénior

Nº expediente	Solicitante	NIF da entidade	Documentación requirida
BS508C 2021/012	Concello de Lalín	P3602400H	– Certificado da persoa secretaria sobre a existencia de crédito suficiente e adecuado (art. 8.1.b).
BS508C 2021/021	Concello de Val do Dubra	P1508900F	– Certificado da persoa secretaria sobre a existencia de crédito suficiente e adecuado (art. 8.1.b).
BS508C 2021/022	Fundación Amigos de la Barrera	G32321978	– Anexo I: adaptar a data de fin de proxecto acorde co artigo 1 da orde de convocatoria. – Proxecto de actividades (art. 8.1.a): adaptar a data de fin de proxecto (art. 1) e o número de persoas voluntarias (art. 2). – Anexo I ou proxecto: o número de persoas beneficiarias indicado non coincide.
BS508C 2021/025	Concello de Sarria	P2705700I	– Acreditación fidedigna da persoa representante legal da entidade. – Anexo I: indicar o número de persoas beneficiarias e adaptar o orzamento solicitado (art. 6.4). – Certificado da persoa secretaria sobre a existencia de crédito suficiente e adecuado (art. 8.1.b): adaptar a cantidade indicada nas fontes de financiamento ao artigo 6.4. – Proxecto de actividades (art. 8.1.a): cuantificar o número de persoas beneficiarias e rectificar o nome da orde na portada. – Anexo I ou proxecto: non coincide a data de fin de proxecto indicada no anexo I co indicada nas páxinas 4 e 6 do proxecto.
BS508C 2021/030	Asociación Protectora de Animais Bai.Senpulgas	G27805910	– Acreditación fidedigna da persoa representante legal da entidade. – Anexo I: indicar o orzamento solicitado, adaptar a data de fin de proxecto (art. 1), rectificar o número de persoas beneficiarias acorde co proxecto, adaptar o cálculo dos gastos das persoas voluntarias (art. 6.4) e o cálculo das partes do orzamento. – Proxecto de actividades (art. 8.1.a): adaptar a data de fin de proxecto (art. 1), adaptar o cálculo do orzamento (art. 6.4), indicar o número de persoas voluntarias que participan no proxecto e o número de persoas beneficiarias do proxecto.
BS508C 2021/033	Concello de Cambre	P1501700G	– Anexo I: rectificar as partes do orzamento acorde co orzamento total indicado no proxecto. – Proxecto de actividades (art. 8.1.a): indicar a identificación de problemas que motivan o proxecto e revisar o encabezado das táboas de orzamento da páxina 5 no referente ao proxecto e ao ano.
BS508C 2021/036	Concello de Mos	P3603300I	– Proxecto de actividades (art. 8.1.a). – Anexo I: consonte o proxecto.
BS508C 2021/044	Fundación Eduardo Pondal	G70262951	– Acreditación fidedigna da persoa representante legal da entidade.