Eu, María Dolores Prieto Rascado, letrada da Administración de xustiza do Xulgado de Primeira Instancia número 3 de Ourense, anuncio que no xuízo verbal seguido neste Xulgado de Primeira Instancia número 3 de Ourense co número 801/2020, por instancia de Marta María Ogea Vázquez, fronte a Ana Belén Álvarez Fernández, se ditou sentenza, cuxa parte dispositiva é do teor literal seguinte:
«Considerar a demanda presentada por Marta María Ogea Vázquez, que actúa na forma indicada no encabezamento da presente resolución, representada pola procuradora Sra. López Calvete, contra Ana Belén Álvarez Fernández, e en consecuencia:
1º. Debo declarar e declaro resolto o contrato de alugamento do 7 de setembro de 2013 por finalización do prazo contractual, polo que procede o desafiuzamento por este motivo da vivenda sita en Ourense, rúa Pena Onofre, nº 4, 3º andar, letra A.
2º. Debo condenar e condeno a Ana Belén Álvarez Fernández, consecuentemente co anterior, a deixar libre e expedita a mencionada vivenda e á disposición da demandante, nun prazo de vinte días contado desde o seguinte ao da notificación da presente resolución, baixo apercibimento de lanzamento se non o efectuase dentro do prazo legal.
3º. Debo condenar e condeno a Ana Belén Álvarez Fernández ao pagamento das seguintes contías:
– 6.400,00 euros en concepto de rendas debidas.
– 865,65 euros en concepto de subministración de luz.
– Comunidade de propietarios: 521,19 euros.
– Ás contías que se produzan con posterioridade ao ditado da presente resolución por todos os conceptos pactados ata a entrega efectiva da vivenda.
– As citadas contías son de aplicación ao disposto no artigo 576 da LAC.
Todo o anterior coa imposición das custas procesuais.
Notifíquese a presente resolución ás partes e fágaselles saber que na súa contra cabe recurso de apelación, no prazo de vinte días hábiles contado desde o seguinte ao da súa notificación, para a súa resolución pola Audiencia Provincial de Ourense.
Líbrese testemuño da presente resolución para a súa unión aos autos principais e lévese o orixinal ao libro de sentenzas deste xulgado.
Así o pronuncio, mando e asino».
E ao estar a dita demandada, Ana Belén Álvarez Fernández, en paradoiro descoñecido, expídese o presente edicto co fin de que lle sirva de notificación en forma.
Ourense, 16 de abril de 2021
A letrada da Administración de xustiza
